Дархан аварга хоёроор нэмэгдэж, А.Сүхбат аварга наадамд барилдаж магадгүй

Twitter Print
2014 оны 07-р сар 05-нд 14:35 цагт
Мэдээний зураг,

Монгол улсын даян аварга А.Сүхбат өнөө жилийн наадамд барилдаж магадгүй гэсэн яриа гарсан. Харин энэ тухай А.Сүхбат аварга хариулт өгчээ. Тэрээр хэлэхдээ “Дархан аварга цол хүртээвэл энэ хүндтэй цол болон үзэгч олноо хүндэлж барилдана. Би зодог тайлаад найман жил болсон ч бэлтгэлээ орхиогүй, барилдахад бэлэн байна” гэсэн аж. УИХ-ын гишүүн Р.Гончигдорж нарын өргөн барьсан Үндэсний их баяр наадмын тухай хуульд өөрчлөлт оруулах тухай хуулийг УИХ өнгөрсөн сард баталснаар Үндэсний бөхийн далай аварга цолыг хассан тул даян аварга Г.Өсөхбаяр, А.Сүхбат нар дархан аварга цол хүртэх боломжтой болсон юм.

Ардын хувьсгалын түүхэнд 21 аварга цолтой бөх төрөн гарснаас долоо нь дархан аварга цол хүртсэн. Тэдгээр нь Б.Бат-Эрдэнэ, Х.Баянмөнх, Б.Түвдэндорж, Ж.Мөнхбат, Д.Дамдин, Д.Цэрэнтогтох, Ш.Батсуурь нар билээ. Харин сүүлийн хорин жил дархан аварга цолтон төрөөгүй юм.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.