Шүүхийн шийдвэрээс давсан Гүйцэтгэх газрын даргын эрх мэдэл

Twitter Print
2020 оны 02-р сар 11-нд 10:21 цагт
Мэдээний зураг,

-Нийслэлийн Шүүхийн шийдвэр ГҮЙЦЭТГЭХ ГАЗАР-ын даргын хууль бус шийдвэрийн цаана өнөөх л тэтгэвэртээ гарсан Шүүгч асангууд-

Шүүгч, Шүүхийн Ерөнхий зөвлөлийн гишүүн асан Д.Дамдин-Од баз хүргэнийхээ шүүхээс битүүмжлэгдсэн барилгыг Нийслэлийн Шүүхийн шийдвэр гүйцэтгэх газрын даргын гарын үсгээр сэргээлгэсэн байна. ХУД-ийн Спорт цогцолборын ойролцоох “Буман залуус” цогцолбор хороололын Захиалагч, Гүйцэтгэгч 2 компаний хооронд гэрээний маргаан гарчээ.

Гүйцэтгэгч “Бесон” компани гэрээний дагуу гүйцэтгэсэн ажлынхаа зардал 3.9 тэрбум төгрөгийг нэхэмжилж шүүхэд ханджээ. Шүүхээс маргаан шийдэгдтэл захиалагч “Пирамид орд” компаний барилгаас нэхэмжилсэн үнийн дүнтэй дүйцэхүйц хэсэг буюу үйлчилгээ, орон сууцны зориулалттай 1000 мкв талбайг битүүмжилж, бусдын хууль ёсны эрх ашиг зөрчигдөхөөс сэргийлжээ. Захиалагч “Пирамид орд ”компаний итгэмжлэгдсэн төлөөлөгчөөр насаараа шүүгч хийсэн, хамгийн сүүлд Шүүхийн захиргааны төв байгууллага болох Шүүхийн Ерөнхий зөвлөлийн гишүүн асан Д. Дамдин –Од ажиллажээ. Тэрээр “Пирамид орд ” компаний захирал Г.Цолмонтой нэг айлын баз хүргэчүүл юм.

Баасанжавын Отгон-н зураг.

“Пирамид орд” компаний хөрөнгөөс битүүмжилэх захирамж гаргасан шүүгчийг Шүүхийн ёс зүйн хороонд өгч дарамталсан ч уг шүүгчийн захирамжийг дараагийн хурлаар баталгаажуулсан байна. Гэтэл “Пирамид Орд” компани 2020.01.03-д Нийслэлийн шүүхийн шийдвэр гүйцэтгэх газарт хандаж, “3 тэрбумын нэхэмжлэлтэй хэрэг дээр түүнээс давсан хөрөнгө битүүмжилсэн тул арга хэмжээ авч өгөх”-ийг хүсчээ.

Тэр өдөрт нь Нийслэлийн шүүхийн Шийдвэр гүйцэтгэх газрын дарга, дэд хурандаа Р. Энхтайван албан бичгээр уг битүүмжилэгдсэн эх хөрөнгүүдийн захиран зарцуулах эрхийг сэргээжээ. Шүүхийн шийдвэр гүйцэтгэх байгууллага гэдэг бол шүүхээс гарсан шийдвэрийг хэрэгжүүлдэг байгууллага болохоос Шүүхийн шийдвэрийг өөрчилж, түүнээс давсан шийдвэр гаргадаг байгууллага биш . Ингээд нэхэмжлэгч Шүүхийн шийдвэр гүйцэтгэх ЕРӨНХИЙ газарт хандснаар дэд хурандаа Р.Энхтайван 2020.01.17-ны өдөр хууль зөрчсөн шийдвэрээ өөрөө буцаагаад өөрчилжээ.

Баасанжавын Отгон-н зураг.

Хууль шүүхийнхэний энэ мэт танил тал,эрх мэдлээрээ дулдуйдан, хууль зөрчсөн буруу шийдвэр нь иргэдэд асар их зардал чирэгдэл учруулж байна. Баз хүргэнийхээ компанид Нийслэлийн шүүхийн шийдвэр гүйцэтгэх газрын даргыг үйлчлүүлж, хууль бус шийдвэр гаргуулахад нөлөөлсөн хүн нь захиалагч “Пирамид Орд” компаний итгэмжлэгдсэн төлөөлөгч шүүгч асан Д.Дамдин-Од бололтой. Түүний тухай мэдээллийг шүүж үзвэл өмнө нь зам тээврийн ослоор хүн нас барсан хэрэгт холбогдон шалгагдаж байсан нэгэн юм. Хууль бус шийдвэр гаргаж, баригдангуутаа дахиад засч шийдвэр гаргаж байгаа Нийслэлийн Шүүхийн шийдвэр гүйцэтгэх газрын даргад хүлээлгэх хариуцлага гэж алга уу!

Сэтгүүлч Б. Отгон

2020.02.11

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.