Хүний эрхийг хамгаалах олон улсын Human Rights Watch байгууллагаас хийсэн судалгаагаар Австралийн их дээд сургуульд сурч буй Хятад оюутнууд үзэл бодлоо чөлөөтэй илэрхийлэхээс зайлсхийдэг, Хятадын засаг захиргааны эсрэг үзэл бодол илэрхийлснээр эх оронд нь байгаа ар гэр, төрөл төрөгсдөд нь Хятадын эрх баригчдын зүгээс дарамт шахалт үзүүлнэ гэж айдаг болох нь тогтоогджээ.
Австралид сурч буй Хятад оюутнуудаас гадна Хятад багш нар ч мөн адил үзэл бодлоо чөлөөтэй илэрхийлэхээс айж, ярьж байгаа зүйлээ тогтмол хянадаг гэжээ. Human Rights Watch байгууллагын хэдж байгаагаар уг дарамт шахалт нь Австралийн их дээд сургуулиудад багш оюутнууд үзэл бодлоо бусадтай хуваалцах, өөрийн үзэл бодлоо чөлөөтэй илэрхийлэх эрх чөлөөг үгүй хийж байгаа аж.
Австралийн дээд боловсролын тогтолцоо нь төлбөрөө төлж сурч буй Хятад оюутнуудаас өндөр хамааралтай ба коронавирусын цар тахлын өмнө Австралид сурч буй гадаадын оюутнуудын 40 хувийг Хятадын оюутнууд эзэлж байжээ. Өнөөдрийн байдлаар Австралийн их дээд сургуулиудад Хятадын ниыт 160 мянган оюутан суралцаж байна.
Австрали-Хятад улсын харилцаа сүүдийн жилүүдэд хурцдаж, Хятадын нөлөө Австралийн их дээд сургуулиудад нэмэгдэж буйд австраличууд санаа зовж байна. Human Rights Watch байгууллагаас явуулсан судалгаанд Австралид сурч, ажиллаж буй Хятадын багш оюутнууд нийлсэн 50 хүн оролцсон ба сүүлийн жилүүдэд Хятадын оюутнууд болон багш нар үзэл бодлоо чөлөөтэй илэрхийлэхээс бүр их айдаг болсон гэжээ.
Түүнээс гадна Австралид сурч буй оюутан Хятадын удирдлагуудыг шүүмжилсэн, эсэргүүцсэн үзэл бодол илэрхийлсэний дараа Хятадын цагдаа нар эх оронд нь байгаа гэр бүлийнхэнтэй нь холбогдсон 3 тохиолдол, Австралид сурч буй оюутан Твиттерт аккаунт нээж, ардчиллыг дэмжсэн мессеж нийтэлсэний дараа Хятадын эрх баригчид тухайн оюутныг шоронд хорино хэмээн заналхийлсэн тохиолдлуудыг Human Rights Watch тус тус онцолжээ. Үүнээс болж Хятад оюутнууд бие биенийхээ дэргэд үгээ цэгнэж, үзэл бодлоо чөлөөтэй илэрхийлэхээс зайлсхийдэг болжээ.
Тэрчлэн Австралийн их дээд сургуулиудад Хятад судлалын хичээл заадаг, Хятад оюутнуудад хичээл ордог багш 22 багшаас судалгаа авсаны талаас илүү хувь нь Хятадын талаар ярихдаа үгээ хянаж, үзэл бодлоо чөлөөтэй илэрхийлж чаддаггүй гэжээ.
Австралийн их дээд сургуулийн удирдлагын зүгээс Хятадын талаар олон нийтийн өмнө ярихгүй байх, Хятадтай холбоотой арга хэмжээ зохиохгүй байх, Хятадад байгаа оюутнуудад цахимаар хичээл орж байгаа Хятад судлалын багшийн хичээлд цензур тавих тохиолдлууд ч бүртгэгджээ.
Эх сурвалж: https://www.bbc.com/news/world-australia
Содномцэрэнгийн Энхзаяа
mongolcom.mn
Энэ мэдээ танд таалагдаж байвал LIKE хийгээрэй. Танд баярлалаа.
