Дэлхийн аваргын эргэн тойронд

Twitter Print
2014 оны 07-р сар 04-нд 09:46 цагт
Мэдээний зураг,

Дэлхийн аварга шалгаруулах тэмцээний мэргэн буучдын жагсаалтыг Колумб залуу тэргүүлж байна. Түүний араас Германы Т.Мюллер, Бразилийн Неймар, Аргентины Л.Месси нэхэж байгаа аж. Колумбын шигшээ баг энэ улиралд гайхалтай тоглолтыг үзүүлж нэг ч хожигдолгүй явж байгаа юм. Тэд Грекийг 3:0, Японыг 4:1, Д.Дрогба тэргүүтэй Кот д’Ивурыг 2:1-ээр хожиж гэрт нь хариулсан. Мөн довтлогч  Ж.Родригес таван гоол оруулжээ. Герман Португалыг 4:0-ээр бут ниргэж хэсгээс гарах нь тодорхой болж хүчирхэг байгаа ч шөвгийн 16-д хүндхэн тоглолтыг хийжээ.

Алжирыг хялбархан хожино гэж хөгжөөн дэмжигчид нь итгэж байсан ч дэлхийн аваргын хасагдах шатанд сул байдаггүй гэдгийг “Цөлийн үнэгнүүд” харуулж эцсийн мөч хүртэл тэмцэлдсэн. Гэвч Германы хөдөлгүүрт ямар саатал гаралгүй өрсөлдөгчөө 2:1-ээр хожлоо. Харин довтлогч Т.Мюллер дөрвөн гоол оруулсан. Ингэснээр дэлхийн аваргад есөн гоол оруулаад байна.

Аргентин сулхан хэсэгт орсон боломжоо ашиглан Нигери, Иран, Босниг хожиж шөвгөрсөн. Улмаар хасагдах шатны эхний тоглолтоо Швейцарьтай хийж нэмэлт цагт буулган авчээ. Өнөө цагийн шилдэг довтлогч Л.Месси дөрвөн гоолтой мэргэн буучын төлөө өрсөлдөж байна.

Энэ дэлхийн аваргын хамгийн сонирхолтой тоглолтыг зохион байгуулагчид үзүүлж байгаа аж. Нээлтийн тоглолтонд Хорватыг шүүгчийн тусламжтай хожсон хэмээн шүүмжлүүлсэн тэд Мексиктэй хүнд тоглолтын эцэст хуурай тэнцсэн. Мөн хасагдах шатны эхний тулаандаа Чилитэй үндсэн цагт тэнцжээ. Торгуулийн цохилт гэдэг хэнд ч ялалт бэлэглэдэг шидтэй. Энэ удаа нутгийн дэвжээ “Самбагийн хаад”-ыг түшиж Чилийг пеналтаар хожлоо. Неймарын дараагийн өрсөлдөгч нь хүчирхэг Колумб юм. Хэн азтай, одтой, ур чадвартай нь хагас шигшээд үлдэх билээ.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.