Канадад агаарын хэм 46.6 хэмд хүрч, сургуулиудыг хаажээ

Twitter Print
2021 оны 06-р сар 29-нд 11:29 цагт
Мэдээний зураг,

Канадын баруун эргийн Бритиш Коламбия мужид өнгөрсөн амралтын өдрүүдэд хэт халалтын үзэгдэл бүртгэгдэж, эрх баригчид ерөнхий боловсролын болон их дээд сургуулиудыг хаах шийдвэр гаргажээ.

Ванкувер хотоос 200 км зайд байрлах Бритиш Коламбия мужийн Литтон хотод өнгөрсөн ням гарагт агаарын хэм Цельсийн 46.6 хэмд хүрчээ.

Канадын Байгаль орчин, уур амьсгалын өөрчлөлтийн албанаас мэдээлж байгаагаар хамгийн сүүлд 2937 онд Канадын Саскачеванд агаарын хэм Цельсийн 45 хэмд хүрч байсан аж.

Даваа гарагт агаарын хэм илүү халуун болох төлөвтэй байгаа ба Канадын баруун эргийн бүс нутгуудад агаарын хэм урьд өмнө нь байгаагүйгээрээ халж, иргэд халуунаас зугтан далай болон нуурын эрэг дээр сэрүүцэж байна. Канадын нийгмийн сүлжээгээр эйр кондишн байхгүй үед хэрхэн сэрүүцэх тухай постууд хандалт өндөртэй байна.

2018 онд хийсэн судалгаагаар Канадын баруун эргийн мужуудад оршин суугчдын 40 хүрэхгүй хувь нь л гэртээ эйр кондишнтэй аж. Номхон далайн баруун хойд бүс нутагт агаарын өндөр хэм бүртгэгдэх нь ховор бөгөөд тухай бүс нутгийн уур амьсгал нь сэрүүн, бороо их ордог онцлогтой аж.

Канадын Байгаль орчин, Уур амьсгалын өөрчлөлтийн албаны ахлах эрдэмтэн Грег Флатогийн мэдэгдсэнээр агаарын хэм өдрийн цагт маш их халж, шөнө нь хөрж амжихгүй байгаа нь уур амьсгалын өөрчлөлт үүсэхэд нөлөөлж байгаа аж.

Эх сурвалж: https://www.reuters.com/world/americas/record-heat-forces-western-canada

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.