Ерөнхий сайд Н.Алтанхуяг: Өнгөрсөн дөрвөн жилд нэг ч км төмөр зам тавигдсангүй

2014 оны 07-р сар 03-нд 15:17 цагт
Мэдээний зураг,

Өнөөдөр “Ерөнхий сайдын 30 минут” боллоо. Уулзалтын эхэнд Ерөнхий сайд Н.Алтанхуяг сүүлийн долоо хоногт болсон онцлох үйл явдлын талаар мэдээлэл өгсөн. Тэрээр хэлэхдээ Монгол улс улаанбурхан өвчний тархалтыг зогсоосон Азийн дөрөв дэх орон боллоо. Энэхүү батламжийг Дэлхийн эрүүл мэндийн байгууллагаас манай улсад гардуулсан. 2000 онд манай улс халдварт саа өвчний тархалтыг зогсоож байсан бол цагаан цэцэг өвчний тархалтыг мөн зогсоож чадсан. Австрали, Өмнөд Солонгос, Макао Ази тивдээ улаанбурхан өвчний тархалтыг зогсоож байжээ. Харин манай улс дөрөв дэх нь болж байгаа нь том амжилт юм.

“Гудамж төсөл” үргэлжилж байна. Энэ ажлын хүрээнд Чингис бондын хөрөнгөөр 2013 онд 18 уулзвар шинэчлэн засварласан бол өнөө жил 12 уулзварыг шинэчиллээ. Үүнээс онцлох нь Цэцэг төвийн уулзарвыг Сөүлийн гудамжтай холбож шинэ гудамж, замыг өнгөрсөн долоо хоногт хүлээлгэн өглөө. Удахгүй наадам болно. Гэхдээ “Зуны дэлгэр цагт наадмаа өргөн тэмдэглээд, бусад өдрүүдэд нь ажлаа хариуцлагатай хийнэ шүү” гэж аймгийн удирдлагуудтай хийсэн цахим хурлын үеэр үүрэг өгсөн. Мөн Засгийн газраас анхаарал хандуулж байгаа нэг ажил бол хүн амын хүнсний аюулгүй байдлыг хангах.

Иймд өөрийн зоорьтой, агуулахтай дэлгүүрүүдийг дэмжих бодлогын хүрээнд хэд хэдэн орчин стандартад нийцсэн үйлчилгээний төв нээхээр ажиллаж байна. Үүний нэг нь Амгаланд байрлах “Тэнгэр” худалдааны төв юм. Энэ төв нь 20-30 тонн мах, 10 тонн хүнсний ногоо, жимс жимсгэнэ хүлээн авч угааж цэвэрлэн савлах хүчин чадалтай газар байгаа. Мөн Алтанбулаг худалдааны чөлөөт бүсийн нээлт боллоо. Энэ худалдааны чөлөөт бүсийн зорилго нь Азийн орнуудын бараа бүтээгдэхүүнийг ОХУ, Европын зах зээлд ойртуулан худалдаж, Монголын түүхийн эдийг дэлхийн зах зээлд гаргахад оршиж байна.

Төмөр замтай холбоотой хэдэн зүйл хэлэхэд нэгдүгээрт 2010 оны 6-р сарын 24-ны өдөр УИХ-аас Төрөөс төмөр замын тээврийн талаар бодлогыг баталж гаргасан байна. Үүнээс хойш дөрвөн жил өнгөрсөн. Энэ бичиг баримтын дагуу УИХ-аас Монгол улсад төмөр замыг яаж хөгжүүлэх вэ гэдэг ерөнхий дүр зураг гарсан. Үүнээс харахад төмөр зам тавигдаад эхэлчихсэн байх ёстой байсан. Харамсалтай нь өнгөрсөн дөрвөн жилд нэг ч км төмөр зам тавигдсангүй.

Царигийн маргааны улмаас удааширсан энэ ажлыг Шинэчлэлийн Засгийн газар зоригтой урагшлуулж, “Чингис” бондын хөрөнгөөс 200 гаруй сая ам.долларыг төмөр замын бүтээн байгуулалтад зарцуулаад байна гэж Ерөнхий сайд хэллээ.

Монгол Улс ирээдүйд хөрш орнууд руугаа долоон цэгээр төмөр замын тээвэрлэлт хийх боломжтой. Үүнээс Өмнөговь аймгийн Гашуунсухайт боомтын төмөр замын ажил л урагшилж байгаа. Хятадын тал цаанаас Ганцмодны боомт хүртлээ төмөр зам тавьчихсан, харин манайх ачаа тээвэрлэх замын царигийн асуудлаа шийдвэрлэлгүй дахиад хойшлууллаа. Иймээс УИХ-ын намрын чуулган хүртэл Засгийн газар хөрш орнуудтай хийх хэлэлцээрээ үргэлжлүүлнэ. Шинээр тавих төмөр замаар зөвхөн Хятад улс руу биш далайн эрэг хүртэл ачаа тээвэрлэх учраас хөрш орны газар нутгаар явах маршрут, төлөх татвар хураамж, тээврийн зардал гэх мэт олон асуудлыг нарийвчлан хэлэлцэж тогтоох шаардлагатай гэж Ерөнхий сайд Н.Алтанхуяг нэмж тайлбарлалаа.

Мөн УИХ-ын гишүүн Х.Баттулгын Ерөнхий сайдад хаягласан ил захидалтай холбогдуулан мэдэгдэл гаргаснаа Ерөнхий сайд сэтгүүлчдэд танилцууллаа. Дараа нь сэтгүүлчдийн асуултад хариулахдаа “ЭЗЭН-100” хөтөлбөрт тусгасан эрх зүйн гол гол зохицуулалтаа УИХ-ын хаврын чуулганаар батлуулж чадсан, орон сууцны 8 хувийн зээл хэвийн үргэлжилж байгаа. Импортыг орлож, экспорт нэмэх 888 төслөөс одоогийн байдлаар арилжааны банкуудын шаардлага хангасан 20 гаруй төсөлд Хөгжлийн банкнаас санхүүжилт олгосон, энэ ажил хэвийн явагдаж байна. Төрийн өмчит нэр бүхий 22 компанийг энэ сард багтаан хувьд шилжүүлнэ.

Үүний дараа Ерөнхий сайд Н.Алтанхуяг сэтгүүлч нарын сонирхсон асуултанд хариулсан юм.

-“Эдийн засгийг эрчимжүүлэх 100” хоногийн ажил ямар шатанд явж байна вэ?

-Засгийн газар өөр дээрээ илүү ачаа авая гэж “ЭЗЭ 100 хоног” зарласан. Ажил хэвийн явж байна. Илүү эрчимтэй ажиллая гэж бодож байгаа. Шаардлагатай хуулийн төслүүдийг өргөн барьсан. Зарим нь батлагдаад ажил хэрэг болоод явж байна.

-Найман хувийн зээлийн хүү нэмэгдээд 9.7 хувь болсон гэсэн. Энэ талаар?

-Найман хувийн хүүтэй зээл хэвээрээ үргэлжилж байгаа. Ямар нэгэн саад гараагүй байна.  Ер нь бид бараа бүтээгдэнхүүний үнийн өсөлтөөс хамаараад хүү өсвөл дээд тал нь ес болно гэж тооцоолсон. Гэхдээ одоо найман хувийн хүү хэвээр байгаа, ес болгох шаардлага гарч ирээгүй байна.

-ҮХААЯ-ны ажил цалгардаад байна уу, гурилын үнэ нэг кг нь 1000 төгрөг болчихлоо?

-Энэ яамны ажил өмнөх сайд Х.Баттулга, одоогийн сайд Ш.Түвдэндоржийн үед ч хэвийн явагдаж байгаа. Албан байгууллага, аж ахуйн нэгжтэйгээ нягт хамтран ажиллаж байна. Мөн үнэ тогтворжуулах хөтөлбөрийн хүрээнд гурил үйлдвэрлэдэг компаниудын удирдлагатай уулзаж нэгдсэн ойлголтонд хүрсэн.

-Хөгжлийн банкинд мөнгө байгаа юу, Засгийн газраас орон нутгийн зам эвдэрсэнтэй холбоотой 17.6 тэрбум төгрөг гаргахаар шийдсэн ч “Хөгжлийн банк” гаргаж чадахгүй байна гэсэн яриа гарлаа?

-Хөгжлийн банкинд мөнгө байгаа. “Чингис бонд”-ын 1.5 тэрбум ам.доллар чинь өөрөө төгрөг болоод хагас нь бүтээн байгуулалт болоод гарчихсан. Хагас нь байгаа. Гэхдээ Хөгжлийн банкин дээр байхгүй. Арилжааны банкууд дээр байрлаж хүүгээ төлөх хэрэгтэй.

-888 төсөл хэрхэн явагдаж байгаа вэ?

-888 төслүүдийг эхнээс нь арилжааны банкууд шалгаруулаад “Хөгжлийн банк” мөнгийг нь олгоод эхэлчихсэн байгаа. Одоогийн байдлаар 20 гаруй төсөл санхүүжилтээ авчихсан.

-Хууль зүйн сайдтай холбоотой асуудал дээр ямар байр суурьтай байна вэ?

-Хууль зүйн зүйн сайдын тухай би юм яриад яахав. Ер нь манай нийгэмд нэгнийгээ гүтгэдэг бүлэг хүмүүс бий болсон юм байна гэж надад харагдаж байна. Асуудлаа хуулийн дагуу шийдвэрлэх байх.

-Хаврын чуулганаар төмөр замын царигийн хэлэлцүүлгийг зогсоочихлоо. Хөрш орнуудтайгаа хэзээ хэлэлцэж энэ асуудлыг чуулганаар оруулж шийдвэрлэх вэ?

-Энэ бол их чухал асуудал. Нүүрсээ ачаад зүгээр Хятадад өгөх гээд байгаа юм байхгүй. Цаашаа далайн эрэг хүртэл тээвэрлээд Солонгос хүртэл явна. Бүх талын судалгааг хийж байгаа. Удахгүй дуусна.

 

Э.Гүнтөмөр

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (183.177.97.21) 2014-07-07 16:07
      • 0
      • 0

      Илүү эрчимтэй ажиллая гэж бодож байгаа. 888 төслүүдийг эхнээс нь арилжааны банкууд шалгаруулаад “Хөгжлийн банк” мөнгийг нь олгоод эхэлчихсэн байгаа. Одоогийн байдлаар 20 гаруй төсөл санхүүжилтээ авчихсан. далайн эрэг дээр нүүрсээ асгах цаашаа солонгос хүрнэ гэнэ үү солонгос хаана байдгийг мэдэхгүй байгаа юм биш биз дээ Бодсоноо л ярих юм даа хөөрхий манай амбан

      Хариулах

    • zochin

      (150.129.142.174) 2015-09-08 14:36
      • 0
      • 0

      yaaag unen hahahahha

      Хариулах

    • Зочин

      (103.26.193.1) 2014-07-04 15:40
      • 0
      • 0

      ерөнхий сайд худлаа ярьдаг Сайд чинь төмөр зам бариагүй хариуцлага үүрдэг байж харин та өөрөө ямар хариуцлаг үүрэх үү

      Хариулах

    • Зочин

      (202.21.106.104) 2014-07-03 21:17
      • 0
      • 0

      Erunkhii saidad amjilt husie

      Хариулах