Д.Ангараг Холливудад ажиллахаар болжээ

Twitter Print
2014 оны 07-р сар 03-нд 12:29 цагт
Мэдээний зураг,

МУСТА жүжигчин Б.Амарсайхан Холливудад зочилж анхны уран бүтээлдээ тоглоод эх орондоо ирсэн. Дэлхийн кино урлагийг зорих буухиаг Монголын уран бүтээлч, зураглаач Д.Ангараг үргэлжүүлэхээр болж байна. Тухайлбал "Миний хөрш чөтгөр”, “Бодлын хулгайч”, “Дэв” зэрэг кинонд зураглаачаар ажилласан Д.Ангараг Холливудад ажиллахаар болж байгаа аж.

Тэрээр өнгөрсөн гуравдугаар сард болсон 86 дахь удаагийн “Academy awards” наадмын бүх арга хэмжээнд оролцсон бөгөөд Холливудын “Precious” кинонд продюсер, зургийн найруулагчаар ажиллахаар болжээ.

Дашрамд дурдахад түүний бүтээх кинонд Холливуудын алдартай Гери Олдман, Харви Кейтель, Кристофер Уокен нар гол дүр бүтээхээр өрсөлдөж байгаа гэнэ. Харин Монголоос хэн дүр бүтээх нь одоогоор тодорхойгүй байна.

Хэдийгээр Холливудаас Д.Ангарагт ганцаараа ажиллах хүсэлт тавьсан ч Монголын 10 гаруй уран бүтээлчийг “Precious” кинонд хамт тоглох боломжийг бүрдүүлсэн байна. Тус уран бүтээлд Монголын талаас ажиллах хүмүүст 1.5 сая ам долларын гэрээ хийсний дараа АНУ-ыг зорих юм байна. 

Х.Эрдэнэсолонго

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.