Евро, юань долларыг сулруулж байна

Twitter Print
2014 оны 07-р сар 03-нд 08:28 цагт
Мэдээний зураг,

Одоогоо 70 гаруй жилийн өмнө буюу дэлхийн хоёрдугаар дайн дуусахын өмнөхөн 1944 оны долдугаар сард АНУ-ын Нью-Хэмпшир муж улсын Бреттон-Вудст болсон олон улсын хуралд 44 улсын оролцож, АНУ-ын мөнгөн тэмдэгт долларыг олон улсын голлох валют болгон ашиглахаар тохиролцож, Бреттон-Вудсийн (Bretton Woods system) хэлэлцээрийг байгуулжээ.

Тэр цагаас хойш доллар дэлхийн эдийн засгийн урсгал дунд одоогийн чадал чансааг олж авч чадсан юм. Гэвч өнөөдөр долларын оронд өөр валют олон улсын гүйлгээнд ашиглагдаж эхэлж байна. АНУ-ын долларыг гол валютаа болгосноос хойш сульдан доройтож байсан барууны орнуудын эдийн засгийг сэргэхэд нөлөө үзүүлсэн гэж ОХУ-ын мөнгө санхүүгийн мэргэжилтэн Сергей Хестанов хэлэв. Гэвч 1970-аад оны үеэс долларын үнэ цэнэ аажмаар унаж эхэлж, Бреттон-Вудсийн хэлэлцээрийн чадвараа алдаж эхэлсэн байна. 2000 он гарсаар олон улсын эдийн засагт долларын орлох хэмжээний бусад хүчирхэг валютууд гарч ирэх болсон. Улмаар өнөөдрийн долларын чадамж 20-30 жилийн өмнөхөөс харьцангуй буурсан гэж Сергей Хестанов үзэж байна. Тухайлбал, евро гүйлгээнд гарснаас хойш долларын гүйцэтгэх үүрэг эрс хумигдаж ирсэн. Мөн Хятадын эдийн засгийн хурдацтай өсөлтийн үр дүнд юань олон улсын валют болж, энэ нь мөн л долларын хүчний сулруулах нэг том нөлөө болж байна. Мэдээж хэрэг, доллар цаашид урт хугацаанд олон улсын гүйлгээний гол хэрэгсэл хэвээр байх боловч евро, юань мөн ойрын хугацаанд доллартой өрсөлдөх хэмжээнд хүрнэ гэж мэргэжилтнүүд харж байна.

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.