Бельги хагас шигшээд үлдэнэ гэдэгтээ итгэлтэй байна

Twitter Print
2014 оны 07-р сар 02-нд 13:39 цагт
Мэдээний зураг,

Европын “Улаан чөтгөрүүд” 2014 оны дэлхийн аваргад гайхалтай тоглолтыг үзүүлж байна. Тэд хэсгийн гурван тоглолтонд дараалан хожсон бол шөвгийн 16-д хүчирхэг АНУ-ыг нэмэлт цагт 2:1-ээр хожсон. Харин шөвгийн наймд Аргентинтай учраа таарлаа. 2002 оны “World Cup”-т хэсгийн бүх тоглолтонд гоол оруулж байсан алдарт довтлогч М.Вильмотс өдгөө Белгийн үндэсний шигшээ багийг дасгалжуулж байгаа. Тэрээр хэлэхдээ “Бид АНУ-тай маш хүнд тоглолт хийлээ. Бүтэн 120 минут гүйнэ гэдэг амаргүй байсан. Шөвгийн наймд Аргентинтай хийх тоглолт бас амаргүй байх болно. Гэхдээ бид өрсөлдөгч багийнхаа сул талыг судлаад эхэлчихсэн. Миний таамаг зөрөхгүй бол Бельги хагас шигшээд шалгарна” гэсэн аж.

Дээр хоёр баг 1986 оны дэлхийн аваргын хагас шигшээд учраа таарч Д.Марадонагийн хоёр гоолоор Аргентин хожиж байлаа. Белгийн дэлхийн аваргад үзүүлсэн хамгийн оргил амжилт нь Мексикийн тэмцээнд дөрөвдүгээр байр эзэлсэн түүхтэй.

“Бразил 2014”-т хоёр баг нэг ч ялагдалгүй явж байгаа.  Энэ сарын 6-ны 03:00 цагт болох тоглолтонд хэн ялагдсан нь анхны хожлоо аваад зогсохгүй тэмцээнээ дуусгах билээ.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.