Одонтой эхчүүдийн мөнгийг сар шинийн баярын өмнө олгоно

Twitter Print
2020 оны 01-р сар 29-нд 15:14 цагт
Мэдээний зураг,

Сар шинийн баярын өмнө буюу ирэх хоёрдугаар сард “Алдарт эх”-ийн буюу одонтой эхчүүдийн мөнгийг олгохоор болжээ.

Нийгмийн халамжийн тэтгэвэр, тэтгэмж олгох журмын дагуу алдарт эхийн одонгийн мөнгөн тусламжийг олгодог. Үүнд: Алдарт эхийн нэгдүгээр зэргийн одонтой эхэд 200 мянган төгрөг, Хоёрдугаар зэргийн одонтой эхэд 100 мянган төгрөг тус тус олгодог.

Харин хоёр одонтой эхэд давхцуулан мөнгөн тусламж олгодоггүй зохицуулалттай билээ. Өнгөрсөн жил 224 мянган эхэд 29 тэрбум төгрөгийн одонгийн мөнгө олгосон байна. Хөдөлмөр, халамжийн үйлчилгээний ерөнхий газраас мэдээлснээр, жилд дунджаар 4500 орчим хүн одон авдаг гэсэн тооцоо бий ажээ.

Иймд, алдарт эхийн 1,2 дугаар зэргийн одон авах болзол хангасан иргэд хорооныхоо нийгмийн ажилтанд материалаа бүрдүүлж өгнө үү.

АЛДАРТ ЭХИЙН 1,2 ДУГААР ЗЭРГИЙН ОДОН АВАХ ИРГЭДИЙН БҮРДҮҮЛЭХ МАТЕРИАЛ:

1. Эхийн цахим иргэний үнэмлэхийг 2020 оны нотариатаар гэрчлүүлсэн хуулбар

2. Алдарт эхийн одонгоор шагнуулахыг хүссэн дэлгэрэнгүй өргөдөл

3.Хүүхдүүдийн төрсний гэрчилгээг 2020 оны нотариатаар гэрчлүүлсэн хуулбар, төрсний гэрчилгээгээ үрэгдүүлсэн тохиолдолд иргэний бүртгэлийн лавлагаа

4.Насанд хүрсэн хүүхдүүдийн иргэний цахим үнэмлэхний хуулбар, үнэмлэхээ үрэгдүүлсэн тохиолдолд иргэний бүртгэлийн лавлагаа

5. 1 нас хүртэл өсгөөд гэнэтийн аюулаар эндсэн хүүхэдтэй бол нас барсан хүүхдийн төрсний болон нас баралтын лавлагаа

6. 1-р зэргийн одон авах ээж 2-р зэргийн одонгийн үнэмлэхний хуулбар авчрах.

Мөн хүүхэд 2020 оны 6 сарын 1-ээс өмнө 1 нас хүрсэн бол одон авах болзол хангана. Та бүхэн хугацаандаа материалаа багтаан авчирч өгнө үү. Хоцорсон тохиолдолд материал хүлээж авахгүйг анхаарна уу.

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.