"Сантис боловсролын академи" худал сурталчилгаа ашиглан хүмүүсийг хохироодог байжээ

Twitter Print
2014 оны 07-р сар 02-нд 12:04 цагт
Мэдээний зураг,

Шударга өрсөлдөөн хэрэглэгчийн төлөө газар “Сантис боловсролын академи” ХХК-д гомдол гаргасан 40 иргэний өргөдлийн дагуу хяналт шалгалт хийсэн байна.

Шалгалтаар сургалтын төлбөрийн талаарх мэдээллийг худал, зөрүүтэй мэдээллэсэн, сургалтын төлбөрөөс гадна оюутан тус бүрээс 310,000 төгрөг төлөхийг шаардсан зэрэг үйлдэл гаргасан аж. Тус үйлдэл нь "Хэрэглэгчийн эрхийг хамгаалах тухай хуулийн 12 дугаар зүйлийн 12.8-д үйлдвэрлэгч, худалдагч, гүйцэтгэгчээс хэрэглэгчид бараа, ажил, үйлчилгээтэй холбоотой худал мэдээлэл өгөхийг хориглоно. 12.9-т бараа, ажил, үйлчилгээг хууран мэхлэх, төөрөгдүүлэх, хүч хэрэглэх замаар худалдах, гүйцэтгэх, хэрэглэгчийн эрхийг хохироосон гэрээ байгуулахыг хориглоно" гэж заасан байна.  

Мөн зар сурталчилгааны тухай хуулийн долдугаар зүйлийн 7.2.3-т хангалттай тодорхой мэдээллийг орхигдуулан, эсвэл мэдлэг, туршлага дутмаг буюу итгэмтгий байдлыг нь ашиглан хэрэглэгчийг төөрөгдөлд оруулсан зар сурталчилгааг зүй бус зар сурталчилгаанд тооцно гэж заасныг тус тус зөрчсөн болох нь тогтоогдсон байна.  Иймд “Сантис боловсролын академи” ХХК-д улсын байцаагчийн албан шаардлага хүргүүлж, Б.Уранзаяа нарын 40 иргэнийг 12 сая 400 мянган төгрөгөөс чөлөөлүүлж, дипломыг нь олгуулжээ.

Х.Хулан

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.