Програм хангамж үйлдвэрлэлийн салбарынхан патентаа барьцаалаад банкнаас зээл авдаг болно

Twitter Print
2013 оны 11-р сар 11-нд 11:30 цагт
Мэдээний зураг,

Мэдээллийн технологи, шуудан, харилцаа холбооны газраас “Монголын програм хангамж үйлдвэрлэлийн салбарын анхдугаар чуулган”-ыг Ерөнхий сайдын ивээл дор зохион байгуулж байна. Чуулганы нээлтэд Ерөнхий сайд Н.Алтанхуяг оролцож мэдээллийн технологи, програм хангамж үйлдвэрлэлийн талаар баримталж байгаа бодлого болон цаашид энэ салбарт авч хэрэгжүүлэхээр төлөвлөсөн ажлуудаа танилцууллаа.  Өнөөдөр   мэдээллийн технологи, програм хангамж үйлдвэрлэлийн  салбарын хөгжил нь төр засгийн үйл ажиллагааны чанар, бизнесийн  хурд, хүн бүрийн ажил амьдралын амжилтын салшгүй хэсэг болсныг Ерөнхий сайд хэлээд програм хангамж үйлдвэрлэгчид тус тусдаа жижиг төслүүдийн хооронд амь зуудаг цагийг төгсгөж, хамтдаа шинэ менежмент, нэг шийдэлтэйгээр шинэ баялгийг бүтээх хамтын хүчийг гаргах цаг болсон гэлээ.

Монголын програм хангамжийн инженерүүд өнөөдөр байгаа мэдлэгээрээ нэгнээ нөхөж, байхгүй бүх мэдээллээ бусдаасаа олж авах хэмжээнд хүрсэн. Ийм өргөн боломж дээр Шинэчлэлийн Засгийн газар та бүхэнтэй бодлогоор хамтарч, зээл тусламж, санхүүжилт, хөрөнгө оруулалтаар дэмжихэд бэлэн байна. Ашигт малтмалын лицензээ барьцаалаад банкнаас зээл авч байхад оюуны өмч бүтээгчид шинэ бүтээлийн патентаа тавиад зээл авдаг нөхцлийг бүрдүүлэх хэрэгтэй гэж Ерөнхий сайд хэллээ

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.