Нийслэлд шинээр 13 байршилд ногоон төгөл байгуулна

Twitter Print
2020 оны 05-р сар 07-нд 17:43 цагт
Мэдээний зураг,

Улаанбаатар хотын Захирагчийн ажлын албанаас нийслэлийн хэмжээнд сул шороо ихтэй зүлэгжүүлэлт, иж бүрэн ногоон байгууламж, ойн төгөл хийх шаардлагатай 157 байршлыг тогтоож ногоон байгууламж хийж буй.

Энэ жил нийслэлд нийт 122 га талбайд ногоон байгууламж, 13 байршилд ойн төгөл шинээр хийж байгаа талаар Улаанбаатар хотын Захирагчийн ажлын албаны Ногоон байгууламжийн бодлогын асуудал хариуцсан мэргэжилтэн Д.Сүхбат хэллээ. Тэрбээр “Нийслэлийн Засаг даргын өгсөн үүргийн дагуу Улаанбаатар хотод ногоон байгууламжийн тоог нэмэхээр ажиллаж байна. Сул шороо ихтэй явган хүний зам дагасан байршил, орон сууцны хороолол дунд ойн төгөл байгуулна” гэв.

Одоогийн байдлаар Бээжингийн гудамж буюу БНХАУ болон  БНЭУ-ын ЭСЯ-ны урд талбай, Монгол Улсын Консерваторийн урд, зүүн талбай дагуу 66 том оврын нарс, 113 гацуур тарьж 1200 ширхэг боролзгоноор 376 урт метрийн   ургамлан хашлага үүсгэж түүнийгээ троссон хашлагаар хамгаалжээ. Мөн дээрх байршлуудад тэхийн шээг, голт бор, монос, нохойн хошуу зэрэг  гоёлын 105 мод бут тарьж 900 м.кв талбайг зүлэгжүүлэхээр төлөвлөсөн байна.

Түүнчлэн Долоон буудал буюу Чингэлтэйн гудамжны зам дагуу 920 улиас суулгаж зүлэгжүүлэх бөгөөд Ногоон нүдэн нуурын гудамж Тасганы овоо болон Ард аюушийн өргөн чөлөөнд бортоготой гацуур, том оврын нарс зэргийг суулгаж тохижуулж эхэлжээ.

Г.Ганаа

 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.