Герман vs Франц

Twitter Print
2014 оны 07-р сар 01-нд 08:45 цагт
Мэдээний зураг,

Өмнөд Америкт үргэлжилж буй хөлбөмбөгийн дэлхийн аваргын шөвгийн 16-д учраа таарсан Герман-Алжир, Франц-Нигерийн тоглолт урд шөнө боллоо. 1954, 1974, 1990 оны дэлхийн аварга Герман Африкийн төлөөлөл Алжиртай оноолт таарсан. Хоёр багийн тоглолт Порту Алгери хотод болоход үндсэн цаг 0:0-ээр тэнцсэн. “Цөлийн үнэгнүүд”-ийг ингэж сайн тоглоно гэж таамаглаагүй. Ялангуяа хаалгач Райс Германы довтлогчдын олон цохилтыг хаасан билээ. Гэвч цаг сунгасан сүүлийн 30 минутанд А.Шюрлле, М.Өзил нар хоёр гоол оруулж Алжир 2:1-ээр хожигдсон юм. Немцүүд энэ өдөр ялалт байгуулснаар өөрсдийн түүхэн рекордыг үргэлжлүүлээ. Тэд 1954 онд аварга болсноос хойш шөвгийн наймаас доош даваанд хожигдож үзээгүй аж.

Франц хэсгийн шатанд найман гоол оруулсан нь 1998 оноос хойш тохиолдоогүй амжилт байлаа. Тухайн үед “Гурван өнгөтөн” нутаг дээрээ Бразилыг 3:0-ээр бут ниргэж анх удаа алтан медаль хүртсэн. Францын багийн бүрэлдэхүүнд З.Зидан, Д.Треззге, Т.Анри, Л.Блан, Ф.Бартез зэрэг “Алтан үе”-ийн тамирчид нь багтаж байв. Гэвч өнгөрсөн тэмцээнд хэсгээсээ гараагүй тэдний шилжилтийн үе нь байлаа. Харин “Бразил 2014”-т торгон ирэн дээрээ байгаа залуучууд ирсэн нь харагдаж байна. К.Бензема, О.Жиру, Матуди, Погба нар урд шөнө Нигерийг 2:0-ээр хожиж шөвгийн наймд шалгарлаа. Дунд шөвгийн гал гарсан тулаануудыг Герман-Франц чимэхээр боллоо.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.