ОУ-ын спортын сэтгүүлчид “Ногоон наадам”-д ажиллана

Twitter Print
2020 оны 02-р сар 06-нд 15:29 цагт
Мэдээний зураг,

Олон улсын спортын сэтгүүлчдийн холбооны 83 дугаар их хурал Унгар улсын нийслэл Будапешт хотноо боллоо. Тус улс нь 3 дахь удаагаа энэхүү хурлыг зохион явуулсан нь энэ.

Дэлхийн 111 орны төлөөлөгчид чуулсан их хуралд “Олон улсын залуучуудын ногоон наадам”-ыг зохион байгуулагч “Улаанбаатар спорт менежмент” ХК-ийн төлөөлөгчид оролцлоо. Тодруулбал “Олон улсын залуучуудын ногоон наадам”-ын гүйцэтгэх хорооны гадаад харилцааны захирал П.Буяндэлгэр, гүйцэтгэх хорооны зөвлөх Монгол Улсын соёлын гавьяат зүтгэлтэн, сэтгүүлч Ж.Отгонцагаан нар төлөөлөгчөөр оролцсон юм.

Тэд Монгол Улсын Ерөнхийлөгчийн ивээл дор, НҮБ-ын “Тогтвортой хөгжлийн зорилт-2030” хөтөлбөрийн хүрээнд спортын 25 төрөлд зохион байгуулагдах “Олон улсын залуучуудын ногоон наадам”-ын бүтэц, зохион байгуулалт, хөтөлбөрөө дэлхийн спортын сэтгүүлчдэд танилцуулжээ. Энэ үеэр ОУ-ын спортын сэтгүүлчдийн холбооны ерөнхийлөгч Жанни Мерло, Ерөнхий нарийн бичгийн дарга Юрий Оснец нар наадмын үеэр Монгол Улсад айлчилна гэдгээ илэрхийлсэн байна.

Ирэх 9 дгээр сарын 13-20 ны хооронд зохион байгуулагдах “Олон улсын залуучуудын ногоон наадам”-ын нэгэн хөтөлбөр нь “YONG REPORTER” буюу “Залуу сэтгүүлч” юм. Олон улсын спортын сэтгүүлчдийн холбоо энэхүү хөтөлбөрт хамтран ажиллах хүсэлтэй байгаагаа мөн энэ үеэр илэрхийлжээ. Энэхүү хуралд Монголын спортын сэтгүүлчдийн холбооны ерөнхийлөгч Ч.Отгонбаатар, дэд ерөнхийлөгч Б.Цагаанбаатар нар төлөөлөгчөөр оролцлоо. Монголын спортын сэтгүүлчдийн холбоо 1992 онд буюу ОУ-ын спортын сэтгүүлчдийн 55 дугаар их хуралд гишүүнээр элссэн түүхтэй.

А.Алтанчимэг 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.