“Баян Монгол” чуулгын "Symphony Jazz" тоглолт болно

Twitter Print
2019 оны 10-р сар 18-нд 10:28 цагт
Мэдээний зураг,

Монголын экстрадын домогт “Баян Монгол” чуулга 50 жилийн ойн баяраа угтан "Symphony Jazz" тоглолтыг улсын Филармонийн тайзнаа өнөөдөр тоглох гэж байна. Тоглолтоор дэлхийн сонгодог хөгжмийн бүтээлийг жазз хөгжмийн урсгалд хөрвүүлэн үзэгч, сонсогчиддоо хүргэх аж.

Баян Монгол чуулгын уран бүтээлчид 50 жилийн ойн хүрээнд хос цомог, пянз, баримтат кино, ном, тоглолтууд гээд олон ажлууд зохион байгуулж байгаагийн нэг нь “Симфони Жазз” тоглолт юм.

Монголын эстрад, жазз урлагийн ууган уран бүтээлчид болох Улсын Филармонийн “Баян Монгол” чуулга Монголын урлагийн сор болсон Монгол улсын гавьяат жүжигчин Ч.Насантогтох, Б.Сарантуяа, Т.Ариунаа, “Чингис хаан” хамтлагийн Д.Жаргалсайхан, Урлагийн гавьяат зүтгэлтэн Б.Ганбат, Б.Нямдорж гээд олон сайхан авьяастнуудыг ард түмэнтэйгээ танилцуулсан гавьяатай билээ. Одоогийн “Баян Монгол” чуулгын залуучууд тус чуулгын 5-дах үеийн уран бүтээлчид ба жазз хөгжмийг хөгжүүлэхэд ихээхэн хувь нэмэр оруулж явна.

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.