Зогсоол авах иргэдэд банкууд хөнгөлөлт үзүүлнэ

Twitter Print
2014 оны 06-р сар 30-нд 13:50 цагт
Мэдээний зураг,

Шинээр байгуулагдах “Авто Худалдааны Цогцолбор”-т зогсоол худалдаж авах сонирхолтой иргэд, аж ахуйн нэгжүүд, авто худалдаа эрхлэгчдэд арилжааны зургаан банк зээлийн үйлчилгээ үзүүлэхээр болсон. Уг санамж бичигт Нийслэлийн “Авто Худалдааны Цогцолбор” ОНӨААТҮГ, Зээлийн Батлан Даалтын сан, арилжааны зургаан банкны төлөөлөл гарын үсэг зуржээ.

Авто зогсоол худалдан авах сонирхолтой иргэд тус цогцолборт зогсоол авахдаа 100 хувь төлбөрөө төлөхөд бэрхшээлтэй байгаа тул  энэ асуудлыг шийдвэрлэхээр хамтран ажиллах санамж бичгийг байгуулж буй юм байна. Авто худалдааны цогцолбор нь Голомт, Капитрон, Төрийн банк, Хаан, Хас, Худалдаа Хөгжлийн банктай хамтран ажиллах аж. Эдгээр банкууд нь Зээлийн Батлан Даалтын Сантай хамтран ажилладаг бөгөөд “Авто Худалдааны Цогцолбор”-т зориулан тусгай бүтээгдэхүүн, үйлчилгээ гаргаж, иргэдэд хөнгөлөлттэй нөхцөл бүрдүүлнэ.

Санамж бичгийн хүрээнд ажлын байртай болох, ажлын байрныхаа нөхцөлийг сайжруулах, өөрийн гэсэн үл хөдлөх хөрөнгөтэй болох зорилгоор зогсоол худалдан авч буй иргэд, аж ахуйн нэгжүүдийг Зээлийн батлан даалтын сангаас дэмжих. Мөн өөрийн баримталдаг хууль, дүрмийн хүрээнд зээлийн батлан даалтыг түргэн шуурхай гаргах үйлчилгээ үзүүлэх аж. Түүнчлэн зогсоол өмчлөх хүсэлтэй бизнес эрхлэгчдэд болон нийт иргэдэд зээлийн хүү, урьдчилгаагаа буулгах юм байна.

“Авто Худалдааны Цогцолбор”-ын бүтээн байгуулалт, зам талбайн барилгын ажил 7 дугаар сард эхлэх бөгөөд  эхний ээлжинд  хамгаалалтын хашаа, цогцолбор дотох зам, талбай зэргийг 10 дугаар сарын 01-н гэхэд барьж ашиглалтад оруулахаар төлөвлөжээ.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.