Тэмцээн явагдах газруудад согтууруулах ундаа хэрэглэхийг хориглоно

Twitter Print
2021 оны 06-р сар 23-нд 14:00 цагт
Мэдээний зураг,

Токиогийн Олимпийн наадмыг зохион байгуулагчид коронавирусын халдвар тархахаас сэргийлэх үүднээс Олимпийн тэмцээн уралдаан явагдах газруудад архи, согтууруулах ундаа хэрэгдэхийг хоригложээ.

Токиогийн Олимп болон Паралимпийн наадмыг зохион байгуулах комиссын дарга Сейко Хашимото, "Халдвар тархахаас сэргийлж зохион байгуулах комисс тэмцээн уралдааны үеэр архи, согтууруулах ундаа борлуулах, хэрэглэхийг хориглолоо." хэмээн албан ёсны мэдэгдэл гаргажээ.

Үүнтэй холбоотойгоор тэмцээн жралдаан явагдах газруудад согтууруулах ундаа зарахгүй ба үзэгчдийг ч согтууруулах ундаа барьж орохыг хориглох аж.

Түүнчлэн Олимпийн тэмцээн уралдаан явагдах газар луу 37.5 ба түүнээс дээш биеийн хэмтэй иргэдийг оруулахгүй гэжээ.

Токиогийн Олимпийн наадам ирэх сарын 23-наас 8-р сарын 8 хүртэл явагдах ба тэмцээн явагдаж буй байгууламжийн талаас илүүгүй хувийг үзэгчдээр дүүргэх, цэнгэлдэхэд дээд тал нь 10 мянган үзэгч байхаар зохицуулах аж. Халдварын нөхцөл байдлаас хамаарч 7-р сарын 12-ноос хойш үзэгчдийн тоог дахин бууруулж болзошгүй гэнэ.

Эх сурвалж: https://www.interfax.ru/world

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.