Оросууд сансарын шинэ үеийн пуужин хөөргөлөө

Twitter Print
2014 оны 06-р сар 28-нд 11:26 цагт
Мэдээний зураг,

ОХУ  20 жилийн турш шургуу хөдөлмөрлөж бүтээсэн “Ангара” пуужинг хөөргөлөө.

Хөнгөн ангиллын “Ангара-1.2ПП” зөөгч пуужинг ОХУ-ын “Плесецк” сансрын буудлаас өчигдөр буюу -_-ны өдөр анх удаа хөөргөсөн байна. 1994 оноос хойш энэ төрлийн пуужингуудыг бүтээх хөтөлбөр хэрэгжиж ирсэн бөгөөд нийт зардал нь одоо 100 гаруй тэрбум рубль болсон аж.

 Оросын шинэ үеийн пуужинг энэ сарын 25-нд хөөргөхөөр төлөвлөж байсан ч улсын комиссын шийдвэрээр 48 цаг хойшлуулжээ.

“Ангара” сансрын пуужингийн системийг урьд нь "Плесецк"-ийн сансрын буудалд туршилтаар хөөргөж байсан аж. Энэ систем нь хөөргөх болон инженерын хэсгээс бүрдсэн бөгөөд бага, дунд, өндөр, дугуй болон зуйван тойрог замд 2-24 тонн жинтэй хиймэл дагуулуудыг байрлуулах зориулалттай юм. "Ангара” төрлийн пуужингуудад пуужингийн хүчтэй, хорт гептилийн түлшийг хэрэглэхгүй. Ингэснээр сансрын хөлгийн буудал болон пуужингийн бүрэлдэхүүн хэсгүүд салж унасан газрын байгаль орчны аюулгүй байдалд сөргөөр нөлөөлөхгүй гэнэ.

Хөнгөн ангиллын зөөгч "Ангара" пуужингийн хөөрөх жин 171 тонн, 200 км өндөрт орших тойрог замд 3,8 тонн ачаа хүргэх чадалтай ажээ.

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.