Ж.Батзанданг нэрээ тат гэсэн сүрдүүлэг явуулж, Д.Ганбатыг үүрэг гүйцэтгэгчээр томиллоо

Twitter Print
2014 оны 06-р сар 27-нд 17:00 цагт
Мэдээний зураг,

ҮХАА-н сайд Х.Баттулга сайдын албан тушаалаа хүлээлгэн өгч түүний оронд УИХ-ын гишүүн, Хууль зүйн байнгын хорооны дарга Ш.Түвдэндорж томилогдсон. “Давхар дээл”-тэй сайд нэг ажлаа өгч байхад оронд нь дахиад давхар дээлтэй сайд томилогдлоо гэж багагүй шуугиан болсон. Гэтэл Ш.Түвдэндорж нь сайдын албан тушаалд очсоноор хэсэг хугацаанд давхар байтугай "гурван давхар" дээлтэй гишүүн болсон. Тэрээр Хууль зүйн байнгын хорооны даргын ажлаа өгөхөөр болсон ч өдийг хүртэл түүний оронд хүн томилогдоогүй байлаа. Энэхүү суудалд АН-ын хоёр гишүүн өрсөлдөж байгааг бид мэдээлсэн.

УИХ-ын гишүүн Ж.Батзандан өөрийн нэрийг дэвшүүлж энэхүү байнгын хороог мэргэжлийн хүн удирдах ёстой хэмээн байр сууриа илэрхийлж байгаа ч түүнийг АН-ын удирдлага нэрээ татаж авахыг өдөр бүр шаардсан. Мөн энэхүү суудалд УИХ-ын гишүүн, “Шударга ёс” эвслийн О.Баасанхүү ч санаархаж байна гэсэн шуум тарсан. Харин УИХ-ын дарга З.Энхболд өнөөдөр 103 тоот захирамжаар УИХ-ын гишүүн Д.Ганбатыг Хууль зүйн байнгын хорооны даргын үүрэг гүйцэтгэгчээр томилох шийдвэр гаргасан байна. Энэхүү шийдвэр олон хүнийг гайхшруулж байгаа аж. Тэгэхээр З.Энхболд даргад энэ албан тушаалд Д.Ганбатыг зүтгүүлэх том шалтгаан байсан гэх хардлага дагуулж байна. 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.