Apple компани 3 их наяд ам. долларын үнэд хүрсэн АНУ-ын анхны компани боллоо

Twitter Print
2022 оны 01-р сар 04-нд 12:52 цагт
Мэдээний зураг,

Apple компани зах зээлийн үнэлгээ нь 3 их наяд ам. доллар давсан АНУ-ын анхны компани болжээ. Энэ нь тус компанийн хувьцааны үнэ тасралтгүй өсч, сүүлийн 4 жилд 3 дахин нэмэгдсэнтэй холбоотой аж.

Apple компанийн хувьд 2018 оны 8-р сард зах зээлийн үнэлгээ нь 1 их наяд ам. доллар давсан дэлхийн анхны компани болсон бол 2020 онд зах зээлийн үнэлгээ нь 2 их наяд ам. долларыг давсан билээ.

Өнөөдөр тус компани дангаараа Боинг, Кока-Кола, Дисней, Эксон-Мобил, МакДональдс, Нэтфликс болон Уолмарт зэрэг компаниудыг бүгдийг нь нийлүүлснээс ч илүү үнэтэй компани болоод байна.

Apple компанийн хувьцаа 2021 оноос хойш 38 хувь өсөөд байгаа ба өнөөдрийн байдлаар Доу Жонсоны индексийн үзүүлэлтэнд нөлөөлөх гол компаниудын нэг болжээ.

Өнгөрсөн оны эцсийн улиралд Apple компани коронавирусын цар тахалтай холбоотой үүссэн асуудлуудыг үл харгалзан нийт 20.6 тэрбум ам. долларын ашиг олжээ.

Түүнээс гадна Америкийн Майкрософт компанийн зах зээлийн үнэлгээ энэ онд мөн адил 3 их наяд ам. долларт хүрэх төлөвтэй байгаа аж.

Эх сурвалж: The Guardian

Содномцэрэнгийн Энхзаяа 

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.