АНУ-ын гааль хүний үсээр хийсэн 13 тонн бараа бүтээгдэхүүнийг хураажээ

Twitter Print
2020 оны 07-р сар 03-нд 13:37 цагт
Мэдээний зураг,

АНУ-ын Гааль, хилийн хяналтын алба хүний үсээр хийсэн 13 тонн 800 мянган ам. долларын үнэ бүхий бараа бүтээгдэхүүнийг хураан авчээ. Дээрх бараа бүтээгдэхүүнийг Хятадын Шиньжаанд хууль бусаар хоригдож буй уйгурчуудын үсээр хийсэн гэдгийг Америкийн Гааль, хилийн хяналтын алба онцолжээ.

АНУ-ын Гааль, хилийн хяналтын алба өмнө нь мөн л Хятадаас орж ирсэн ижил төрлийн бараа бүтээгдэхүүнийг хураан авч байсан ба Хятадын Мэйшин Хэйр Продакт компанийн бараа бүтээгдэхүүнийг хураан авч байхыг АНУ-ын хилийн бүх постуудад даалгасан байжээ. АНУ-ын Гааль, хилийн хяналтын алба дээрх бараа бүтээгдэхүүнийг хууль бусаар, хүний эрхийг зөрчиж үйлдвэрлэсэн гэсэн баттай баримт байгаа хэмээн мэдэгдсэн ба Худалдааны хэлтсийн төлөөлөгч Бренда Смит АНУ хүний эрхийг зөрчиж үйлдвэрлэсэн бараа бүтээгдэхүүнийг хэзээ ч хүлээж авахгүй гэдгийг онцолсон байна.

Америкийн эрх баригчид Шиньжаан-Уйгурын автономит бүс нутагт үйл ажиллагаа явуулдаг компаниудтай хамтран ажиллах нь эдийн засаг, хууль эрх зүйн эрсдэл дагуулж, нэр хүндэд нь муугаар нөлөөлнө гэдгийг Америкийн компаниудад анхааруулжээ. Америкийн Үндэсний аюулгүй байдлын зөвлөлийн гишүүн Жон Ульиот Гааль, хилийн хяналтын албанаас хураан авсан бараа бүтээгдэхүүн нь хууль бусаар хоригдож байгаа иргэдтэй холбоотой нь тогтоогдвол БНХАУ хийсэн үйлдлээ олон улсын тавцанд тайлбарлаж, хариугаа амсах болно хэмээн мэдэгджээ.

13-ton shipment of human hair, likely from Chinese prisoners ...

АНУ-ын зүгээс Бээжинг шашны болон үндэстний цөөнх болсон уйгурчуудыг хавчин дарамталж, Түвд болон Шиньжаан-Уйгурын автономит бүсэд хүний эрхийг бүдүүлгээр зөрчиж байна хэмээн буруушааж, Бээжингийн эсрэг хориг арга хэмжээ авна хэмээн заналхийлсээр байгаа билээ.

Эх сурвалж: CNN

Содномцэрэнгийн Энхзаяа 

mongolcom.mn 

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.