Цалин, тэтгэвэр тэтгэмжинд 35 тэрбум төгрөгийг нэмэхээр боллоо

Twitter Print
2013 оны 11-р сар 08-нд 17:39 цагт
Мэдээний зураг,
Цалин тэтгэвэр, тэтгэмжийг нэмэх асуудлаар Монголын үйлдвэрчний эвлэл, Засгийн газар, Хөдөлмөрийн яамны төлөөллүүд өнөөдөр уулзлаа. Уг уулзалтаар гурван талт хэлэлцээрт тусгагдсан асуудлыг хөндөн ярьсан байна. 
 
Тус хэлэлцээрээр цалин, тэтгэвэр, тэтгэмжийг 35 тэрбум төгрөгөөр нэмэх шийдвэрийг гаргажээ.
 
МҮЭХ-ны зүгээс цалин, тэтгэвэр, тэтгэмжийг 40 хувиар нэмэх шаардлагатай гэсэн байр суурьтай байсан. Харин Засгийн газрын зүгээс цалин, тэтгэвэр, тэтгэмжийг нэмэгдүүлэхэд 200 тэрбум төгрөгийг улсын төсвийн төсөлд сууулгасан гэж байгаа юм. Үүнийг хэтэрхий бага байна хэмээн МҮЭХ болон эмч, багш, тэргүүтэй төрийн албан хаагчид үзэж жагсаал хийх гэж байсан билээ. Учир нь 200 тэрбум төгрөгийг цалин, тэтгэвэр, тэтгэмжид хувааж өгвөл цалин ердөө л 8 хувиар нэмэгдэх тооцоотой байгаа юм. 
 
Харин өнөөдрийн гурван талт хэлэлцээрээр ярилцаад 35 тэрбум төгрөгөөр л нэмэгдүүлэх боломжтой гэсэн шийдвэрт хүрчээ.  Өнөөдрийн хэлэлцээрийн үр дүнг багш, эмч нар хэрхэн хүлээж авч буй нь одоогоор тодорхойгүй байна. Учир нь тэд  цалинг дор хаяж 30 хувиар нэмэх шаардлагатай гэж үзэж байгаа юм.
 
Засгийн газрын зүгээс 2011 оноос хойш ганц ч удаа  цалинг нэмээгүй байгаа. Харин энэ хугацаанд бараа бүтээгдэхүүний үнэ хоёр дахин өссөн байдаг. Үүнээс үзвэл бараа бүтээгдэхүүний үнэ нэмэгдэхэд цалингийн нэмэгдэл огт хамаагүй гэж МҮЭХ-ныхон хэлж байна. 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.