Маргааш болох Ц.Мөнхбаяр нарын хэргийн шүүх хуралд УИХ-ын гишүүд оролцох хүсэлтэй гэлээ

Twitter Print
2014 оны 06-р сар 26-нд 16:04 цагт
Мэдээний зураг,

Гал үндэстэн холбооны тэргүүн Ц.Мөнхбаяр, Д.Төмөрбаатар, Г.Болдбаатар, Ж.Ганболд, М.Мөнхболд, С.Дашцэрэн нарыг зохион байгуулалттайгаар бүлэглэн эрх бүхий албан тушаалтнаас шийдвэр гаргахаас татгалзуулахад шууд буюу шууд бусаар нөлөөлөх зорилгоор олон нийтэд аюултай аргаар хүч хэрэглэхээр заналхийлсэн хэрэгт холбогдуулан шалгасан.

Ц.Мөнхбаяр, Г.Болдбаатар, Ж.Ганболд нар нь галт зэвсэг, байлдааны галт хэрэгсэл, тэсэрч дэлбэрэх бодисыг хууль бусаар худалдан авч бэлтгэсэн, хадгалсан, авч явсан, борлуулсан гээд дүүргийн ЭХАШ-ны 1-р шүүх энэ оны нэгдүгээр сарын 27-ны өдрийн 173 тоот шийтгэх тогтоолоор О.Самбуу-Ёндон, Ж.Ганболд нарын хэргийг цагаатгаж, Ц.Мөнхбаярт 21 жил 6 сар хорих ял, Д.Төмөрбаатарт 20 жил хорих жил, Г.Болдбаатарт 21 жил 1 сар хорих ял, С.Дашцэрэнд 20 жил 1 хоног, Ж.Ганболдод 21 жил 1 сар, М.Мөнхболдод 2 жил хорих ял тус тус шийтгэсэн юм.

Тэд давж заалдсан учраас Эрүүгийн хэргийн давж заалдах шатны 10-р шүүх Ж.Ганболдод холбогдох хэргийн давж заалдах шалтны 10-р шүүх Ж.Ганболдод холбогдох хэргийг хэрэгсэхгүй болгож Ц.Мөнхбаярт нийт 7 жил, Г.Болдбаатарт 6 жил 11 сар, Д.Төмөрбаатарт 10жил 10 хоног, С.Дашцэрэнд 2 жил хорих ял, Ж.Ганболдод 1 жил хорих ялаар шийтгэсэн байна.

Улсын дээд шүүхийн эрүүгийн хэргийн танхимд “Гал үндэстэн” холбооны Ц.Мөнхбаярт холбогдох хэргийн шүүх хурал маргааш болох юм байна.

Энэ хэргийн шүүх хурал болохтой холбогдуулан УИХ-ын гишүүн Г.Уянга, Ж.Батзандан, Х.Болорчулуун, С.Ганбаатар, Ц.Даваасүрэн, Л.Цог нар ажиглагчаар оролцох хүсэлт гаргажээ.

Тэд ажиглагчаар биечлэн оролцох хүсэлтэй гэдгээ тус албан бичигт уламжилжээ.

 

Х.Хулан

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.