К.Роналду өнөөдөр багтаа тус болж чадах уу

Twitter Print
2014 оны 06-р сар 26-нд 10:43 цагт
Мэдээний зураг,

Дэлхийн аваргын эхний тоглолтондоо Германд бут ниргүүлсэн Португалын шигшээ хоёр дахь учраа АНУ-тай 2:2-оор тэнцсэн. Гурав дахь тоглолтоо өнөө шөнө Ганатай хийнэ. Хэн хожсон нь хоёрдугаар шатанд үлдэх хариуцлагатай тоглолтнд К.Роналду тоглохоор болжээ. Гэмтэл нь бүрэн эдгэрээгүй ч улсынхаа төлөө бүхнээ дайчилна гэж хэлсэн байна. Хоёр удаагийн дэлхийн шилдэг хөлбөмбөгчин К.Роналду 1985 оны хоёрдугаар сарын 5-нд Мадейра арлын Фуншал тосгонд төржээ. Түүний аав нь өөрийн хамгийн хайртай жүжигчин, АНУ-ын ерөнхийлөгч асан Рональд Рейганы нэрийг хүүдээ өгсөн аж. Нутгийнхаа “Спортинг” клубт 16 настайгаасаа тоглож эхэлсэн тэрээр хоёр жилийн дараа “Манчестер Юнайтед”-ын бүрэлдэхүүнд иржээ.

“Улаан чөтгөрүүд”-ийн хамтаар улсынхаа лиг гурван удаа, 2008 онд “Аваргуудын лиг”-ийн аварга цол хүртэж тэр жилийнхээ дэлхийн шилдэг хөлбөмбөгчин болсон. Англид гайхалтай таван жилийг үдэж 2009 онд “Реал Мадрид” клубт элссэн. Испанид ирэхдээ 80 сая ам.доллараар зарагдаж дэлхийн хамгийн үнэтэй хөлбөмбөгчин гэсэн рекордыг эвджээ. Түүний өмнө алдарт З.Зидан “Ювентус”-ээс “Реал”-д ирэхдээ 46 сая еврогоор үнэлэгдсэн аж. К.Роналду Эзэн хааны багт мөн олон ялалтыг авч ирж 2014 оны “Аваргуудын лиг”-т түрүүлэхэд чухал үүрэг гүйцэтгэж нэг улиралд 17 гоол оруулсан нь дээд амжилт болсон юм.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.