Moderna компани коронавирусын эсрэг вакцинаа хүүхдүүд дээр туршиж эхэлжээ

Twitter Print
2021 оны 03-р сар 17-нд 11:30 цагт
Мэдээний зураг,

Америкийн Moderna компани коронавирусын эсрэг вакциныхаа клиникийн шинэ туршилтаа эхэлж буйгаа мэдэгджээ. Уг туршилтаараа Moderna компани коронавирусын эсрэг вакцин нь 6 сараас 12 хүртэлх насны хүүхдүүдэд хэр үр дүнтэй үйлчилж буйг шалгах аж.

Moderna компанийн коронавирусын эсрэг вакцины клиникийн туршилтанд АНУ, Канадын 6 сараас 11 настай 6750 хүүхэд оролцох гэнэ. Клиникийн туршилт нь 2 хэсгээс бүрдэх ба эхний хэсэгт хүүхдүүдэд 28 хоногийн зайтай хоёр тун вакцин хийхдээ тунг нь 25, 50, 100 микрограмм зэргээр өөр өөр хэмжээтэй хийх аж. Moderna компаниас мэдээлж байгаагаар клиникийн туршилтанд оролцож буй зарим хүүхдүүд коронавирусын эсрэг вакцины эхний тунгаа хэдийн хийлгэсэн ба эрдэмтэд туршилтын явцад коронавирусын эсрэг вакцин нь хүүхдүүдэд хэр нөлөөтэйг судалж үзэх аж.

Мөн клиникийн туршилтын эхний хэсгийн үр дүнг туршилтын хоёр дахь хэсэгт ашиглах аж. Америкийн Moderna компани коронавирусын эсрэг вакциныг хүүхдүүд дээр туршиж буй цорын ганц компани биш юм. Pfizer/BioNTech компаниуд хамтран бүтээсэн вакцинаа мөн л хүүхдүүд дээр туршиж эхэлсэн ба Johnson & Johnson компани ойрын хугацаанд 12-оос 18 насны хүүхдүүд дээр вакцина туршихаар төлөвлөжээ.

Эх сурвалж: Interfax.ru

Содномцэрэнгийн Энхзаяа 

mongolcom.mn 

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.