Ирэх сараас Францад гадаа амны хаалт зүүхгүй байж болно

Twitter Print
2021 оны 06-р сар 17-нд 12:40 цагт
Мэдээний зураг,

Францад 7-р сарын 17-ноос эхлэн гадаа амны хаалт зүүх журмыг цуцлах ба ингэснээр францчууд амны хаалтыг олон хүн цугларсан газраас бусад газарт зүүх шаардлагагүй болох аж.

Түүнээс гадна энэ сарын 20-ноос хөл хорио тогтоосон цагийг цуцалж байгаа талаар Францын Ерөнхий сайд Жан Кастекс хэвлэлийн бага хурлын үеэр мэдэгджээ.

Иргэд дараалалд зогсож байх үедээ, зах худалдааны төвүүдэд, цэнгэлдэх хүрээлэнгүүдэд, олон нийтийн арга хэмжээний үеэр амны хаалтыг зайлшгүй зүүж байх шаардлагатай аж.

Францын Эрүүл мэндийн даатгалын үндэсний сангийн тэргүүн Томас Фатомын мэдэгдсэнээр Францын засгийн газар иргэдэд коронавирусын халдварыг болон коронавирусын эсрэг бие илрүүлэх шинжилгээ хийхэд долоо хоногт ойролцоогоор 120 сая евро зарцуулж байгаа гэдгийг онцолжээ.

Өнгөрсөн долоо хоногийн байдлаар Францын 30.14 сая иргэн коронавирусын эсрэг вакцины эхний тундаа хамрагдаад байна.

Коронавирусын цар тахал эхэлснээс хойш Францад коронавирусын халдвар авсан 5.7 сая гаруй тохиолдол бүртгэгдсэн ба уг вирусын халдварын улмаас 110 мянган хүн нас барсан юм.

Эх сурвалж: https://rg.ru/2021/06/16/vo-francii

Содномцэрэнгийн Энхзаяа

mongolcom.mn

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.