Дундаас доош орлоготой бүх өрхөд 3-5 сая төгрөг бэлнээр тараая, хангалттай нөөц бий

Twitter Print
2020 оны 11-р сар 19-нд 15:09 цагт
Мэдээний зураг,

Ил захидал

Монгол Улсын Ерөнхий сайд У.Хүрэлсүх, улсын онцгой комиссын дарга Я.Содбаатар нарт

Хүндэт та нарын амар амгаланг айлтгая. Монгол улс коронавирус цар тахалын амаргүй хүнд үетэй тулгарлаа. Засгийн газрын болон Улсын онцгой комиссын баримталж байгаа чиг шугам, авах арга хэмжээнүүдийн талаар та бүхний мэдээлэл, мэдэгдлүүдтэй танилцаж сэтгэл өндөр байна. Аюулт цар тахалын гамшигийг  хохирол багатай даван туулахад Монголын иргэн бүхний идэвх оролцоо, нөгөө талаас та бүхний зөв мэргэн удирдлага туйлын чухал гэдгийг ойлгож байна. Засгийн газрынхаа бодлого шийдвэрийг бүрэн дүүрэн дэмжихийн ялдамд, бас санаа аваасай гэсэн хэдэн зүйлийг өвгөн сэтгүүлч нь та нартаа бичиж байна.

Нэгдүгээрт: Хамгийн түрүү авах арга хэмжээ бол төсвийн тодотгол. 2020, 2021 оны төсвүүд бол чин үнэнээр хэлэхэд 2020-2024 оны сонгуулиудын төсөв байлаа шүү дээ. Үүнтэй хэн ч маргахгүй байх. 2021 оны төсөв л гэхэд аймаг хотуудыг хэтэрхий ялгаварласан төсөв болсон. Ганцхан баримт авахад Ерөнхий сайдын нутаг Хэнтий аймаг, Ерөнхийлөгчийн нутаг Баянхонгор аймгуудад хэдэн зуун тэрбум төгрөгийн хөрөнгө оруулалт тусгасан хэрнээ зарим аймагт 7-11 тэрбумынн хөрөнгө оруулалт тусгасан байгаа чинь илт ялгаварлан гадуурхалт гэж үзэхээс өөр аргагүй. Ийм баримт их бий. Тиймээс 2021 оны төсөвт яаралтай тодотгол хийж, өнөөдрийн амин чухал биш, “хэрэгтэй, хэрэггүй” бүх зүйлийг хасч, “цар тахалын үеийн төсөв” болгоё.

Хоёрдугаарт: Улс үндэстнүүдийг харж байхад, ийм хүнд үе тулгарахад баячууд, тэрбумтнууд нь хамгийн түрүү санал санаачлага гаргаад их хэмжээний хандив тусламжаар улс орноо, аварч хамгаалж байх юм. Тэгтэл манай тэрбумтнууд таг дуугүй. Зарим нь оргож гараад явчихлаа. Иймээс Ерөнхий сайд та, Монголын тэргүүн баячууд гэгддэг Б.Чойжилсүрэн, С.Эрдэнэ, О.Содбилэг, Ц.Анандбазар,  Б.Гарамгайбаатар, Л.Энх-Амгалан, Б.Наранхүү, Б.Нямтайшир, Н.Батбаяр, Сү.Батболд, Ч.Улаан, Д.Гарамжав, Л.Эрдэнэчимэг, Ундармаа... гэхчлэн хүмүүстэй биечлэн уулзаж санал бодлыг нь сонсоод хандив тусламжийг нь олон нийтэд зарлавал ямар байна?! Монголын тэрбумтнуудаас “үгүй” гэх хүн лав л гарахгүй байх. Улс орон, ард түмнийхээ энэ хүнд үед ямар сэтгэлээр хандахыг нь ард түмэн хүлээж байгаа шүү дээ.

Гуравдугаарт:  Монгол улсын Ерөнхийлөгч Х.Баттулга маань энэ хүнд үед ард түмэндээ нэг сая төгрөгийг бэлэн мөнгөөр тараах санал тавьсаныг Засгийн газар хүлээж аваагүй байна. Миний бодлоор бол энэ ч багадаж байна. Гадаадын улс орнууд ард түмэндээ, тэр дутмаа эмзэг бүлгийнхэндээ ямар их бэлэн мөнгө тараав даа. Та бүхэн харж байгаа байх. Миний бодлоор бол Монгол улсынхаа дундаас доош орлоготой бүх өрхөд 3-5 сая төгрөг бэлнээр тараая. Улсын санд нөөц хөрөнгө хангалттай байгаа. Гадны зээл тусламж зөндөө ирсэн. Энэ тэрбумтнууд ядаж л нэг их наяд төгрөг хандивлах байх. Ингээд бодоход дундаас доош орлоготой бүх гэр бүлд 3-5 сая төгрөг өгчихөд хотойхгүй дээ.

Дөрөвдүгээрт: Гадаад харилцааны шинэ сайд маань улс орнуудтай хэр зэрэг өргөн хүрээтэй харьцаж байгаа бол!  Хоёр талын их гүрнүүд маань энэ чухал үед бидэн рүү гараа сарвайвал мөн ч гайгүйсэн дээ. 25-30 сая хүнтэй хотуудаа хоромхон зуур аварч хамгаалчихдаг энэ том гүрнүүд, гуравхан сая хүнийг яаж бол аврах байх гэж ард түмэн маань хүсэн хүлээж байгаа. Сайдын самбаа зориг л  мэдэж дээ.

Тавдугаарт:  Эцэст нь би сэтгүүлчдийнхээ тухай нэг зүйлийг хэлэх гэсэн юм. Дарга сэтэртэй болгон сэтгүүлчдийн байгууллага, хэдэн сэтгүүлчид рүү минь дайрч давшилдаг боллоо. Худал мэдээлэл бичвэл тэгэж, тэгэж шийтгэнэ гээд л!  Сэтгүүлчийн хөдөлмөр гэдэг чинь хамгийн хүнд хөдөлмөр. Дэлхийд богино настай хүмүүсийн 4-т бичигдсэн байх юм билээ. Манайх шиг, бараг бүх зүйл нь “нууцын зэрэглэлд” орчихсон улс оронд бол хэвлэл мэдээлэлд ажиллана гэдэг хүнд болж. Далан жил бичсэн би хүртэл хааяа алдчихдаг л юм. Нэг тоо, нэг нэрнээс болж алддаг юм. Тэр болгонд энэ хэдэн залуу сэтгүүлчдийг минь айлгаж дарамталдаг, хэрэг хүлээлгэх гэж мөрдөж мөшгөдөгөө болил доо. Сэтгүүлчид минь, ухарч няцалгүй шудрага үнэний дуу хоолой болж явъя.

Эрхэм хүндэт дарга, сайд нар аа!  Монголчуудын буян ихээ. Энэ гамшиг зовлонг хохирол багатай давна гэдэгт би итгэлтэй байгаа. Та нар минь өнөөдөр хүнийхээ төлөө хамаг бүхнээ зориулах цаг ирлээ. Амжилт хүсье!

Монгол улсын соёлын гавьяат зүтгэлтэн, олон улсын сэтгүүлч ГАЛСАНГИЙН ЖАМЬЯН 

2020 оны 11 дүгээр сарын 19-ний өдөр   

  

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Irgen

      (64.119.26.83) 2020-11-26 18:30
      • 0
      • 0

      Balai umand urialaad baih um. Teneg setguulch baina. Uls ornoo ustgahaar shiidejee. Naadah chine or zeel bolno. Iimhen um bodoj chadahgui.

      Хариулах

    • Сурэн

      (150.129.142.236) 2020-11-20 12:52
      • 2
      • 0

      Энэ ч арай хэтэрнээ улсад бас ч гэж тооцоо нэж бгаа блгуй дээ хэний юмыг хэнээс харамлаад байхав дээ Би ч тэтгэвэрийн хун л дээ та мушгиж бн уу эсвэл тооцоог нь тултал нь хийв уу

      Хариулах

    • Энхтөр

      (81.185.165.240) 2020-11-20 02:39
      • 0
      • 1

      Мөнгөтэй мөнгөгүй амьдрал үргэлжилж л таараа.Өнөөдөр яг юу амин чухал вэ гэдгээ бодох хэрэгтэй.Вакцинаа эхний ээлжинд авах хэрэгтэй.Үүрээ эвдүүлсэн шоргоолж шиг эмх замбараагүй бужигнаад байлгүй эв нэгдэлтэй,зохион байгуулалттай,сөрөг мэдээлэл,айдас хүйдэсээс ард түмнийхээ сэтгэл зүйг хамгаалах ажил хиймээр байна.

      Хариулах

    • Зочин

      (65.74.233.194) 2020-11-19 17:58
      • 0
      • 3

      Zov bnaa Bayrlallaa

      Хариулах

    • Зочин

      (103.26.194.151) 2020-11-19 15:24
      • 0
      • 3

      Ер нь бол болохгүй юм байхгүй ш дээ. Хүүхдийн мөнгийг ч гэсэн хавтгайруулан олгож болохгүй байсан.

      Хариулах