Явган болон дугуйтай хүний зорчих эрх, тав тухыг хангасан замыг бүтэн гудамж гэнэ

Twitter Print
2021 оны 02-р сар 28-нд 12:21 цагт
Мэдээний зураг,

Голдуу алхдаг болохоор хэлэхгүй, бичихгүй байж чадсангүй. Бүтэн гудамж гэж хэллэг хот төлөвлөлтөнд байдаг (Complete Street).

Зөвхөн машин зорчиход зориулагдаагүй, явган хүн, дугуйтай хүний зорчих эрх тав тухыг хангасан замыг бүтэн гудамж гэнэ. Нийтийн тээвэр, гудамжнуудаа сайжруулж байж л бид түгжрээг багасгана. Одоо яаж ч машин зам нэмж бариад түгжээгээ дийлэхгүй.

1. Ихэвчлэн ажил эхлэх болон дуусах үеэр их түгжээтэй байдаг. Мэдээж хотын төвд олон ажлын байр байдаг болохоор төвөөр түгжээ ихтэй. Хорооны хүн амын мэдээллээс үзэхэд хотын төвөөс 30 минут алхах зайнд ойролцоогоор 190,000 хүн амьдардаг. Гэтэл Улаанбаатарчууд бид алхах замгүй шахуу. Хэрвээ явган хүний болон дугуйн зам сайн байсан бол эдгээр 30 минут алхах зайнд амьдарч байгаа олон зуун иргэд машин унаж түгжирч суухаа болино. Тэр хэмжээгээр түгжрээ ч багасна.

2. Бүтэн гудамж эрүүл мэндэд ээлтэй, эдийн засгийн ашигтай, мөн замын аюулгүй байдлыг сайжруулдаг. Явган хүн их явдаг гудамжны худалдааны үйл ажиллагаа ихэсдэг.

3. Улаанбаатарын гудамжыг 3-4 энгийн өөрчлөлтөөр сайжруулж болно. Эхлээд зам тулгаж барьсан хашаануудыг нурааж явган хүний замыг өргөсгөж чөлөөлөх. Явган хүний замыг машины дуу чимээ, утааны бохирдлоос хамгаалах ногоон байгууламж барих. Явган хүний өргөсгөсөн зам хангалттай өргөн байвал дугуйн зам нэмж барих. Гарц, гэрлэн дохиогоо сайжруулж явган хүнд таатай орчин бий болгох.

4. Улаанбаатарын бүх гудамжыг бүтэн болгох бараг боломжгүй тул гол замуудаас эхлэх хэрэгтэй байх. Мөн хэдхэн үлдсэн ногоон байгууламж, нийтийн талбайгаа холбосон бүтэн гудамжнуудтай болвол нэгдсэн сүлжээтэй болж хэрэглээ ихэснэ.

Sorry, I was frustrated with the state of Ulaanbaatar streets.

Т.Алдарсайхан

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.