Б.Бямбасайханы аав: Ах нь Монголын төрд үнэхээр гомдож байна

Twitter Print
2020 оны 06-р сар 19-нд 16:31 цагт
Мэдээний зураг,

Монгол Улсын Ерөнхий сайд асан С.Баяр, Сангийн сайд асан С.Баярцогт болон Б.Бямбасайхан нарын долоон хүнд холбогдох хэргийн шүүх хурал өчигдөр Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд болж, барьцааны мөнгө төлөөгүй гэх шалтгаанаар шүүгдэгч С.Баярцогт, Б.Бямбасайхан, Д.Ганболд нарыг цагдан хорих шийдвэр гаргаж, шүүх хурлыг хойшлуулсан. 

Тэгвэл уг шүүх хурлын дараа Б.Бямбасайханы аав:

"-Ах нь Монголын төрд үнэхээр гомдож байна. Хүүтэйгээ уулзах гээд чадсангүй. Эхнэр маань насаараа Гадаад яаманд, ах нь 43 жил дарга нарын жолооч хийсэн. Ийм төртэй байсныг санахгүй юм. С.Удвал гуайн жолоочоор 13 жил ажилласан. Ах нь хүү, охинтой хүн. 75 насандаа юм юм л үзэж байна. Ийм муу юм үзэж байхаар энэ хорвоогоос бушуухан буцах минь.

Миний хүү, охин АНУ-д боловсрол эзэмшсэн. Бямбасайхан маань 4 хэлээр чөлөөтэй ярьж, бичдэг. Миний хүү Дэлхийн банк, Азийн хөгжлийн банканд ажиллаж байгаад ирэхэд төрд хэрэгтэй хүн гээд агентлагийн даргаар томилсон. Охиноо би хэзээ ч төрд ажиллаж болохгүй гэж захиад л байгаа. Хүүг маань 37-той байхад хэрэг үүсгэсэн. Одоо 42-той. Бүхэл бүтэн 5 жил эд нар юугаа хийж байсан хүмүүс юм бэ. Бямбасайхан угийн зүрх нь өвддөг болохоор зүрхний эмийг нь өгөх гээд цаашаа орж болохгүй гээд өгч чадсангүй.

Сүүдэр бараадан зогсох хооронд бидний дунд ийм яриа өрнөв. Үхтэл үр харам гэж үнэн юм аа. Хөгшин пүүзэнд нь явсан. Ирдэггүй. Би солих хувцасыг нь аваад ирсэн. За чамд л гэж захихад төрд ажиллаж болохгүй шүү гэдгийг хэдэнтээ сануулж байлаа" хэмээн ярьжээ. 

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.