Л.Мөнхбаясгалан: Хандив өгнө өө...

Twitter Print
2020 оны 05-р сар 29-нд 09:04 цагт
Мэдээний зураг,

Сонгуульд санал өгдөг болсон цагаасаа хойш нэр дэвшигч нэг ч хүнд хандив өгч үзээгүй юм би. Харин энэ жил өгнө. Өгье гэвэл ганцаасаа гэсэн юм үгтэй юм, Өвөрхангай аймагт АН- аас нэр дэвшигч Оюунсайханы Алтангэрэл дүүдээ хандив өгнө. Аагийгаа мэддэг таньдаг болоод олон жил өнгөрчээ. Бодлоос нь үнэн мэдрэгддэг, чанараас нь хүний мөс имрэгддэг ширхэгтэй эр хүн дээ....

Хуулийн өргөн мэдлэгтэй, үүнийгээ хэзээ ч буруу зүйлд ашигладаггүй, өөрт ашиггүй байсан ч үнэний талд бат зогсдог дүүг минь дэмжигчид олон байдаг ч эгнээндээ аваад нэрийнхээ өмнөөс дэвшүүлчих нам байгаагүй л юм. Тийм ч учраас 2016 онд Баянзүрх дүүрэгт бие даан нэр дэвшиж байлаа. Сонгогдоогүйдээ гутраагүй харин ч их олзтой ирсэн. Тэр олз нь "Хуулийн мэдлэггүйн улмаас хохирчон ямар их иргэд байдаг юм бэ. Хуулийн туслалцааг иргэддээ тэгш хүргэх боломж хаагдмал юм байна" гэж ирсэнсэн. Энэ "олз"-оо гээхгүй ядарсан зовсон олонд хүргэж байсныг нь мэдэхийн дээдээр мэдэх юм. Алтангэрэл эмээ өвөө дээрээ өссөн.

Одоо цагт ховорхон болсон хуучны настайчуудын жудаг дандаа мэдрэгдэнэ. Би ч бас эмээ өвөө дээрээ өссөн болохоор түүний монгол ахуй, эгэл боргил зан, уламжлалт ёс суртахууны хэм хэмжээг давж алхаж байгаагүй зэрэг нь бидний сэтгэлийн айлсал юм болов уу. Ямартаа л О.Алтангэрэлийг би " миний төрсөн дүү" гэж авгайлж байх вэ дээ. Саяхан түүнд би хэллээ. "За энэ бол улстөрийн сонгууль шүү... Чи жудаг яриад, жудаг бодоод хөдөлж чадахгүй хүлээстэй явсаар өрсөлдөгч нартаа нам тавиулна шүү... адилхан л байгаарай" гэв.

О.Алтангэрэл толгой дохин инээж байна. Гэхдээ нүүрэнд нь "би яаж тэгэх вэ дээ... чадахгүй л дээ.." гэсэн санаа илэрхий. Тэр чадахгүй л дээ. Ах захаа хүндэлж авгайлсаар, сонгуулийн дараа амьдрал үргэлжлэх юм чинь, нутгийн ах нар жудагтай байна биз гэсэншүү юм бодож явсаар нөгөө хэддээ нам тавиулаад гүтгүүлж дуусах вий дээ. Өмнө нь нэг удаа бие дааж нэр дэвшээд ялагдсан. Тэгсэн атлаа Баянзүрх дүүргийн ядарсан зовсон олон Аагий руу залгаж хуулийн туслалцаа авсаар л байгаа. Яг л тэр тойргийнх нь гишүүн мэт явсаар дөрвөн жилийг барлаа. Одоо Өвөрхангай. МАН Өвөрхангайд яг 100 жил засаглсан. 1921 оноос хойш дандаа төр барьсан. Түүний эсрэг төрийн машин ажиллаж таарна. Бодохоос бүр өмнөөс нь очиж уралцмаар санагдана. Гэхдээ энэ жил Аагий маань төрсөн нутагтаа өрсөлдөж байна.

"Нутгийн зам нуруутай, Нуган үрдээ ханилгаатай.." гэдэг билүү...Нутгийн зон олон нь тосч аваад тоосыг нь гүвээд УИХ илгээхээ мэдэх байлгүй дээ.

Л.Мөнхбаясгалан

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.