Цөсний чулууг анагаах нь

Twitter Print
2018 оны 12-р сар 10-нд 10:10 цагт
Мэдээний зураг,

Дэлхийн улс орнуудад өргөн тархсан цөс чулуужих өвчний талаар дэлгэрэнгүй танилцуулж байна. 

Цөсний чулуу гэж юу вэ?

Цөсний чулуу нь бодисын солилцооны алдагдлаас үүсдэг усанд үл уусах нэгдэл бөгөөд ихэвчлэн цөсний хүүдий болон ерөнхий цорго, элэг доторх цөсний замд тохиолддог. Сүүлийн үеийн судалгаагаар 5 эмэгтэй тутмын нэг, 10 эрэгтэй тутмын нэг нь энэхүү өвчнөөр өвдөж байна.

Шалтгаан

Цөсний чулуу үүсэх шалтгааныг эрдэмтэд одоог хэр нь бүрэн гүйцэд тайлбарлаж чадаагүй юм. 

Энэ өвчин үүсэхэд нас хамгийн гол хүчин зүйл болдог ба хүүхэд насанд маш ховор тохиолддог байна. Мөн төрөлт болон эм бэлгийн даавартай холбоотойгоор эмэгтэйчүүд энэ өвчинд илүү өртдөг. Үүнд:

-Олон удаа жирэмслэх

-Хэт их идэх буюу удаан өлсгөлөн байх

-Удамшил

-Таргалалт буюу жин огцом буурах 

-Холестерин ихтэй хоол хүнс хэрэглэх

-Чихрийн шижин 

-Элэгний хатуурал

-Цөсний өтгөрөл зэрэг олон хүчин зүйлс нөлөөлдөг аж.

Явц

Цөсний нягт хэсгүүд тунадасжиснаар чулуу үүсгэнэ. Чулуу нь цөсний хүүдийн хэвийн ажиллагаанд нөлөөлснаар яваандаа цөс хуримтлуулах үндсэн үүргээ биелvvлж чадахаа болино. Цөсний урсгалаар чулуу нь цөсний цоргоны амсарт очиж бөглөнө. Үүний дүнд хүүдийнээс гарах цөсний урсгал саатаж хана нь хэт сунаснаас хүчтэй өвдөлт өгнө. Тvvнээс гадна цөсний хүүдий үрэвсэж болно. Тэрчлэн үрэвсэл нь хөрш эрхтнүүд болох нойр булчирхай, 12 хуруу гэдэс, ходоодыг хамарч болно.

Шинж тэмдэг

Чулуу томроогүй, цөсний хүүдийд байгаа нөхцөлд хүн өвчнөө гадарлах ч үгүй байж болдог. Цөс чулуужих өвчнийг анхааруулах анхны шинж тэмдэгүүд нь баруун хавирганы нумаар хүндрэх /баруун талаар өвдөх/, аманд гашуу оргих, дотор муухайрах, хэхрүүлэх зэрэг юм. Өвчин даамжирсан бол баруун хавирганы нуман доогуур, эсвэл хэвлийн дээд хэсгээр хүчтэй өвдөнө. Өвдөлт баруун эгэм, баруун гар, нуруу руу дамжиж болно. Үүний зэрэгцээ ам халуун оргиж, дотор муухайран, бөөлжсөн ч хөнгөрөхгүй. Өвдөлт арай сул байж, эсвэл бүр өөрөө намдаж болно. Гэхдээ ямар ч тохиолдолд эмчид заавал үзүүлэх шаардлагатай.

Эмчилгээ

Цөсний чулууг дотрын ба мэс заслын тасагт эмчилнэ. 

Мэс заслын бус арга

Ер нь эмчилгээг мэс заслын бус аргаар эхэлдэг. 

-Хоолны дэглэм сахиулах арга /хурц, өөх тостой, хуурсан зүйлийг хориглох/. 

-Тусгай бэлдмэлээр чулуу хайлуулах арга. Үүнийг зөвхөн чулуунууд жижиг үед хэрэглэнэ. Эмчилгээ нэг жилийн турш үргэлжилнэ. Ихэнхи хүмүүст хэдэн жилийн дараа дахин чулуу үүсдэг.

-Бутлах арга. Тусгай төхөөрөмжийн тусламжтай өндөр давтамжтай долгионоор чулууг 1-2 мм хэмжээтэй жижиг хэсгүүд болгон бутлана. Ингэснээр эдгээр нь өөрсдөө өтгөнөөр гарна. Ажилбар нь өвдөлтгүй, хөнгөн явагддаг ба амбулаторийн нөхцөлд хийж болдог. 

Мэс заслын эмчилгээ

Мэс заслын эмчилгээг чулуунууд нь том, байнгын өвдөлт өгдөг, мөн дотрын эмчилгээ тус болохгүй үед хийнэ. Энэ нь цөсний хүүдийг авахад орших ба хоёр төрөл байдаг.

-Сонгодог хагалгаа. Хэвлийд нэлээн урт зүслэг хийдэг бөгөөд хагалгааны дараа 10-12 см урт оёдлын сорви үлдэнэ.

-Дурангийн хагалгаа. Тусгай төхөөрөмжийг хэвлийн хананд гаргасан жижиг нүхээр (1см орчим) хэвлийн хөндийд оруулна. Хагалгааны дараа ул мөр бараг үлддэггүй. Сонгодог аргатай харьцуулахад гэмтэл багатай, богино хугацаанд /4-5 хоногт/ эдгэрэн гарч, хэвийн байдалдаа эргэн ордог давуу талтай юм. Хагалгааны хэлбэрийг эмч сонгоно. Чулуу том хэмжээтэй бол сонгодог аргыг, чулуу жижиг үед хоёрдугаар аргыг хэрэглэнэ. Мэс засал ихэнхи тохиолдолд өвчнөөс бүрэн ангижируулдаг.

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (69.251.12.212) 2019-03-19 05:47
      • 0
      • 0

      цѳсний чулуунаас цѳсѳѳ авахуулсан одоо жаахан хурц холл идэхээр цѳсний чулуутай бхад ѳвддѳг шиг ѳвдѳх юм хариулж ѳгаач

      Хариулах

    • Зочин

      (66.181.182.244) 2018-12-11 23:37
      • 0
      • 0

      Хэт давтамжийн техееремж нь монголд орж ирсэн юмуу???

      Хариулах

    • Буянхишиг Д

      (175.223.18.222) 2018-06-14 02:37
      • 0
      • 0

      цөсийг тэр чигт нь аваад насан туршдаа хүн цөсгүй амьдарна гэсэн үг шүүдээ. эмч нар арай өөр аргааг шийдэж болдоггүй юм байхдаа. Арай л залхуураад байгаа юм шиг. Эцсийн арга нь цөсийг авах хагалгаа байх хэрэгтэй. Ээжийгээ цөсний чулууг нь авахуулах хагалгаанд орууллаа гэсэн чинь цэргийн госпитадп цөсийг нь тэр чигт нь аваад хаяцан тэгээд гэдсэн дээр үнэхээрийн муухай том сорвитой үлдээсэн байсан шүүү. Монголын хэдэн модон эмч нар. Тасралтгүй суралцаж хөгжүүлж байж бид нар гадаадуудаас өөр болж зэрэгцэн өрсөлдөх болохоос гадныхны л жишгийг дуурайгаад байж болохгүй. Хүний амь нас монголд юу ч биш байгааг илтгэж байгаа шүү.

      Хариулах

    • ubchtun

      (119.40.103.3) 2016-11-30 10:23
      • 0
      • 0

      butlah argiig ha yaj hiihuu heleed uguuchee

      Хариулах

    • өвчтөн

      (180.149.103.162) 2016-08-02 13:15
      • 0
      • 1

      мэс заслын бус аргаар эмчилдэг аргыг мэдээлж өгөөч

      Хариулах

    • buudai

      (202.9.41.23) 2016-01-06 22:05
      • 0
      • 0

      butlah argiig haana hiilgeh ve

      Хариулах

    • Зочин

      (112.72.13.161) 2015-08-29 22:21
      • 1
      • 3

      Hi yaj holbogdohuu utas heregtei bna

      Хариулах

    • Зочин

      (103.26.194.35) 2015-08-10 13:25
      • 1
      • 4

      Энэ бутлах аргыг нь хаана хийдэг вэ мэдээлэл өгөөч

      Хариулах

    • Дук

      (202.179.11.94) 2015-05-21 16:20
      • 0
      • 2

      Сайн мэдээ байна Өлзии эмчээ

      Хариулах

    • od

      (103.10.21.51) 2015-05-18 19:08
      • 0
      • 1

      haana ingej hiidiin bol mes zasliin bus argaar

      Хариулах

    • Зочин

      (112.72.13.186) 2015-04-24 01:02
      • 1
      • 5

      ene butlah argig ni hn hidgin bol?

      Хариулах

    • pusu

      (172.98.84.179) 2017-02-02 12:36
      • 0
      • 0

      Бээжинд хийдэг гэж сонссон юм байна. Монголд бол хийддэггүй гэсэн.

      Хариулах