Квотоор нэг л удаа УИХ-д сонгогдох хууль санаачилсныг АН-ынхан дэмжлээ

2013 оны 11-р сар 08-нд 09:46 цагт
Мэдээний зураг,

УИХ-ын хурлын гишүүдийн дотор тойргоос сонгогдсон, намын жагсаалтаар гарч ирсэн гэсэн хоёр “зиндаа” бий болчихоод байгаа. Тойргоос сонгогдсон гишүүд бусдыгаа иргэдийн саналаар биш намынхаа лоббигоор УИХ-д орсон гэж гадуурхах хандлага байдаг. Тэрб бүү хэл өөрөө намын жагсаалтаар сонгогдсон Ц.Нямдорж гишүүн О.Баасанхүүг УИХ-ын чуулганы үеэр "Пропорциональ системийн алдаа" гэж хочилж байсан удаатай. Сонгуулийн өмнө ч улс төрчид намынхаа жагсаалтад орох гэж хэрхэн улайран тэмцэж байсныг бид мэднэ. Хамгийн аюултай нь энд намын нэр хүндтэй эрхмүүдээс гадна бизнесийн салбараас шууд шат алгасаад ороод ирсэн хүн цөөнгүй бий.         
    Тиймээс АН-ын А.Муратаар ахлуулан шинээр байгуулагдсан жигүүрийнхэн УИХ, Орон нутгийн сонгуульд квотоор нэг л удаа сонгогддог байх хуулийн төсөл санаачилжээ. Өөрөөр хэлбэл намын жагсаалтаар нэг удаа УИХ-ын гишүүн болсон бол дахин энэ жагсаалтанд орж, өрсөлдөхгүй гэсэн үг. Нэг бол тойргоос нэр дэвшинэ, үгүй бол дахин хэзээ ч УИХ-ын гишүүн болж чадахгүй юм. Ингэснээр намын удирдлагад залраад суучихсан дархан эрхтэй хүмүүсийг “хазаарлана” гэж хуулийн төсөл санаачлагчид үзжээ. Гэсэн ч энэ санал анхан шатандаа багагүй эсэргүүцэлтэй тулгарч байна. АН-ын удирдлагууд эхний ээлжинд дэмжиж байгаа бол МАН-ын намын жагсаалтаар гарсан хүмүүс эрс эсэргүүцэж байгаа аж.

Хэрэв энэ санал АН-ын босгыг даваад, УИХ-ын чуулганаар орж чадвал дараах хүмүүс амьдралынхаа туршид дахин намын жагсаалтаар гишүүн болж чадахгүй юм. Гэхдээ намын жагсаалтаар нэр дэвшсэн АН, МАН-ын гишүүд энэ саналаар зөвшилцөж эхэлсэн бөгөөд нэлээн уян хатан хандахаар ярилцжээ.

Ардчилсан намаас

-Н.Алтанхуяг
-.З.Энхболд
-Х.Тэмүүжин
-Ч.Сайханбилэг
-Ш.Түвдэндорж
- Д.Эрдэнэбат
- Р.Бурмаа
- Ц.Баярсайхан
- Р.Гончигдорж
- М.Батчимэг

МАН-аас

- С.Батболд,
- У.Хүрэлсүх,
- Ө.Энхтүвшин,
- Д.Лүндээжанцан,  
- Ц.Нямдорж,
- Н.Энхболд,
- Я.Содбаатар,
- Ж.Энхбаяр,

МАХН-МҮАН-ын “Шударга ёс” эвслээс
- Ч.Улаан
- Н.Батцэрэг
- М.Сономпил
- З.Баянсэлэнгэ
- О.Баасанхүү
- Ц.Цолмон
- Ц.Оюунбаатар

ИЗНН-аас
- С.Оюун
- С.Дэмбэрэл.

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.