Стратегийн төмөр замаа бид өргөн царигаар шийдвэрлэх нэг арга байна

Twitter Print
2014 оны 06-р сар 23-нд 11:12 цагт
Мэдээний зураг,

Таван толгойн коксжих нүүрсний ордоос Хятадын хил, Гашуун Сухайтын боомт руу төмөр зам тавих, төмөр замын цариг нь нарийн байхуy, өргөн байхуу? гэдэг талаар их олон хүн оролцож, олон ч жил маргалдаж цэц хаялцав. Гэвч эцсийн эцэст Таван толгойгоос урагш Гашуун Сухайтын боомт руу шууд нарийн царигтай төмөр зам тавихаар Засгийн газар шийдэж УИХ-аар батлуулахаар оруулсан боловч төслөө төд удалгүй "Жижиг сажиг нэмэлт оруулна, төмөр замын маршрут, царигт өөрчлөлт орохгүй хэмээн" буцаан татаад байгаа билээ.

Гэтэл монголчууд бид, ялангуяа төр засагт ажиллаж, ажил гардан явуулах үүрэг хүлээсэн сайд, УИХ-ын гишүүд асуудлыг өргөн хүрээнд харахгүйгээр зөвхөн Таван толгойгоос урагш Хятадын хил рүү төмөр зам тавихаас өөр шийдэл олохгүй байсаар өдий хүрлээ.

Энэ үзэл баримтлалаар бол Монгол орны хаа нэгтээ ямар нэгэн орд нээгдвэл тэндээсээ шууд урд юм уу хойд хил рүү төмөр зам тавих, тэр нь өргөн царигтай байхуу, нарийн байхуу гэдэг дээр дахиад тав арван жил хэрэлдэх болж байна. Тэр утгаараа цаг алдана, цаг алдвал орлого мөнгө алдана гэдгийг ерөөсөө ухаарахгүй байна. Засгийн газар, УИХ–аар батлагдсаны дагуу Монгол орны газар нутгийн баруун хойд талаас урдуур Асгатын мөнгө, Таван толгойн нүүрсний орд, Оюу толгойн зэс, алтны орд зэрэг гол гол ашигт малтмалын ордууд болон Сайншандад байгуулахаар төлөвлөөд буй Аж Үйлдвэрийн паркаар дайруулан зүүн хойш эргүүлж улмаар Дорнодын хойд хил рүү гарсан төмөр замтай нийлүүлснээр ОХУ-ын Сибирийн төмөр зам руу гарах шинэ төмөр замын дотоод сүлжээний маршрутыг батлаад байгаа билээ.

Энэ янзаараа бол Сайншандын Аж үйлдвэрийн парк байгуулагдсаны дараа урагш тавигдах төмөр замын царигийн асуудлаар дахиад хэдэн жил маргалдаж суух хэрэгтэй болж байна. Иймээс Монгол улсын хөгжилд санаа тавьж явдаг мянга мянган жирийн иргэдийн адилаар өөрийн санаа бодлоо төр засгийн сонорт хожуу ч гэсэн хүргэхээр шийдлээ. Асуудлын гол нь өргөн эсвэл нарийн царигтаа биш, ерөөсөө улсын нэгдсэн төлөвлөлт, бусад төслүүдтэйгээ уялдуулан харах хэрэгтэй гэж бодож байна.

Миний ойлгож байгаагаар Сайншандад байгуулагдах Аж Үйлдвэрийн Парк бол дээрхи бүх ордуудаас олборлогдох ашигт малтмалын эцсийн боловсруулалтх ийгдэх төвлөрсөн цэг байх ёстой ба зөвхөн тэндээс л эцсийн боловсруулалт хийгдсэн  төрөл бүрийн минералууд үйлдвэрлэгдэн гарах ёстой.

Одоогийн ярьж байгаа шиг 5 толгойн нүүрсний ордоос урагш Хятадын хил рүү шууд төмөр зам тавих юм бол 5 толгойн нүүрсийг түүхийгээр, маш хямдханаар урсгаад хэдхэн хүн баяжаад богино хугацаанд дуусгах болно. Миний ойлгож байгаагаар Сайншандад байгуулагдах Аж үйлдвэрийн паркад:

  1. Төмрийн хүдэр боловсруулж ган хайлуулах үйлдвэр
  2. Нүүрс боловсруулах, баяжуулах, коксжуулах, угаах үйлдвэр
  3. Нүүрснээс шингэн хий, шингэн түлш боловсруулан гаргах үйлдвэр
  4. Кокс, химийн үйлдвэр

гэх мэт бүхэл бүтэн төрөлжсөн хүнд  үйлдвэрүүдийн цогцолбор байх ёстой. Иймээс бид асуудлыг илүү өргөн хүрээнд харах аваас төмөр замыг шууд 5 толгойгоос бус харин Сайншандын Аж үйлдвэрийн парк нь гол түлхүүр зангилаа байх ёстой ба чухамдаа эндээс л урагш одоо байгаа өргөн царигтай төмөр замтай параллель нарийн царигтай төмөр зам, хойд чиглэлд болон дотоодын төмөр замын сүлжээ нь өргөн царигтай байх нь эдийн засгийн хувьд ч тэр, геополитикийн хувьд ч тэр ашигтай, ухаалаг шийдэл гэж бодож байна. Мэргэн олон минь үүнийг тунгаах буйзаа.

Ч. Мижиддорж

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (103.26.193.3) 2014-07-06 18:21
      • 0
      • 0

      hil hurtel urgun tsarig baih yostoi. hilees tsaas nariin baih yostoi. 47 -r urgurugiig buu mart . martval sununu

      Хариулах