Автобусанд сууж осолдон амиа алдсан зорчигчийн нэг нь танигдахгүй байна

Twitter Print
2014 оны 06-р сар 21-нд 14:20 цагт
Мэдээний зураг,

Өнөөдөр өглөө Төв аймгийн Эрдэнэ сум Цонжинболдогийн орчимд том оврын шуудангийн автобус осолдож томоохон осол гарсан талаар бид мэдээлсэн. Сүхбаатар аймгаас Улаанбаатар хот руу ирж явсан хот хоорондын зорчигч тээврийн автобус 08.00 цагийн үед осолдож, ослын улмаас 6 хүн газар дээрээ амиа алдаж, 40 гаруй хүн хүнд хөнгөн гэмтэл авч, нэг жирэмсэн бүсгүй зулбасан гэх мэдээлэл байна.  Хэргийн газарт болон Налайхын эмнэлэг дээр холбогдох байгууллагууд бүрэлдэхүүнтэйгээр ажиллаж буй аж.

Бүх хүнд гэмтсэн иргэдийг одоо ГССҮТ-д авчирч байгаа юм байна. Ослын шалтгаан одоогоор тодорхойгүй байгаа бөгөөд автобус далан руу унасан байдалтай буй аж.

Аймгийн авто тээврийн газраас осолд орсон хүмүүсийн ар гэрийнхнийг зөөх ажлыг зохион байгуулж, ар гэрт нь мэдэгдэх ажлыг явуулж байна. Өчигдөр оройн шуудангаар явсан хүмүүсийн ар гэрийнхэн 96514444 утсаар холбогдон мэдээлэл авах боломжтой аж. 

Мөн сүүлийн эх сурвалжийн мэдээлж буйгаар нас барсан нэг иргэний цогцос танигдахгүй байгаа бөгөөд Сүхбаатар аймагт уг иргэнийг хэн болохыг таних ажиллагааг явуулж байна. Тодруулбал Сүхбаатар аймгаас 44 зорчигтой гарсан тус автобус Мөнххаан сумаас 4 зорчигч нэмж суулгасан байна. Сүхбаатар аймгийн Авто тээврийн газрынхны мэдээлж буйгаар уг танигдахгүй байгаа хүн нь Мөнххаан сумаас суусан иргэн байж болзошгүй гэж таамаглаж байна. 

Нас барсан болон гэмтэж бэртсэн зорчигчдын ар гэрийнхийг 2 фургон машинаар Улаанбаатарт авчрах ажлыг мөн зохион байгуулж байгаа аж. 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.