Зам тээврийн ноцтой осол гарч, зургаан хүн амиа алдлаа

Twitter Print
2014 оны 06-р сар 21-нд 12:20 цагт
Мэдээний зураг,

Өнөөдөр Төв аймгийн Эрдэнэсум Цонжинболдогийн орчим зам тээврийн ноцтой осол гарлаа. Сүхбаатар аймгаас Улаанбаатар хот руу ирж явсан хот хоорондын зорчигч тээврийн автобус 08.00 цагийн үед осолдож, ослын улмаас 6 хүн газар дээрээ амиа алджээ.

Автобусанд 46 хүн явж байжээ. Үлдсэн хүмүүс нь хүнд гэмтэн Налайх дүүргийн эмнэлэгт хүргэгдсэн байна. Бүх хүнд гэмтсэн иргэдийг одоо ГССҮТ-д авчирч байгаа юм байна.

Мөн аймгийн төвөөс осолд өртсөн хүмүүсийн ар гэрийнхнийг яг одоо Улаанбаатар хот руу авчирч байна. Ослын газарт Нийслэлийн Онцгой байдлын газрын аврах ангийн аврах шуурхай салбарын алба хаагчид, Налайх дүүргийн онцгой байдлын хэлтэс, Налайх дүүргийн Эрүүл мэндийн нэгдэл, Уул уурхайн аврах ангийн нийт 10 автомашин, 41 хүн ажиллаж байна. Ослын үеэр автобус 4-5 удаа эргэсэн талаар эх сурвалжууд мэдээлж байна. 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.