Ш.Түвдэндоржид Ерөнхийлөгч Ц.Элбэгдорж амжилт хүсчээ

Twitter Print
2014 оны 06-р сар 20-нд 21:13 цагт
Мэдээний зураг,

Өнгөрсөн долоо хоногт эзгүй байсан ҮХАА-н сайдын суудалд “давхар дээл”-тэй Ш.Түвдэндорж сонгогдож батлана, батлахгүй гэж нэлээн шуугиан дэгдээснийг уншигчид санаж байгаа.

 УИХ, Засгийн газрын гишүүд давхар албан тушаал хашиж байгаад дэмжихгүй гэдгээ Монгол Улсын Ерөнхийлөгч илэрхийлж,  Г.Түвдэндоржийг ҮХАА-н сайдаар сонгох тухай асуудалд хориг тавьсан гэх мэдээлэл цацагдав. Гэвч энэ асуудлыг Ерөнхий сайд цэгцэлж, УИХ-ын чуулганаар авч хэлэлцэн сайдаар томилсон шийдвэр гаргасан нь олон ч гишүүдийн дургүйцлыг хүргэж байсан ч Ш.Түвдэндорж ч шинэ сайдын албан тушаалаа хүлээн авч ажилдаа тун шаргуу орсон.

Өнөөдөр ҮХАА-н сайд Ш.Түвдэндорж ерөнхийлөгчтэй өөрийн хүсэлтээр уулзсан байна. Ерөнхийлөгч Ц.Элбэгдорж түүнд “энэ том салбарыг унагалгүй нэр хүндтэй авч явахыг хүсье. Цаашид хийх ажлаараа өөрийгөө илүү сайн батлан харуулаарай, ажилд нь амжилт хүсье” гэжээ. Төрийн тэргүүнээсээ адис авсан түүний шинэ ажил хэрхэн бүтэмжтэй байхыг ард иргэд  харах л  үлдлээ. 

 

Х.Хулан

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.