Пак Гын Хе: Умардын удирдагчдыг хангалттай эрхлүүллээ

Twitter Print
2013 оны 11-р сар 07-нд 16:21 цагт
Мэдээний зураг,

БНСУ-ын ерөнхийлөгч Park Geun-hye өнгөрсөн хоёрдугаар сард тангараг өргөсөн. Тэрээр, “Харилцан яриа чухал ч бид зарчмаа дагах ёстой. Япон улс дайны үеэр үйлдсэн гэмт хэргийнхээ төлөө уучлал гуйгаагүй байхад тус улсын удирлагчидтай дээд хэмжээний уулзалт зохион байгуулах шаардлага байхгүй.” гэж ярьжээ. Сүүлийн нэг жилийн хугацаанд Солонгосын хойгийн аюулгүйн асуудал дэлхий нийтийн анхаарлыг татах болсон. Умард Солонгос өнгөрсөн  хоёрдугаар сард 3 дах удаа цөмийн туршилт хийснээр байдал хурцадсан юм. Иймд ерөнхийлөгч Park Geun-hye “Бусад улс орнууд Умардын давтан үйлдлүүд болох “хөнөөлт тойргийг” эвдэх ёстой. Умардын талаас өдөөн хатгавал бид маш хатуу, шургуу хариу өгнө.” гэсэн юм.

Түүний ИБУИНВУ-д хийх айлчлал өнөөдөр эхэлсэн. Тэрээр Өмнөд Солонгосын эдийн засгийг сэргээх, баялгийг ахин тэгш хуваарилах, гэр бүлийн томоохон ААН-үүдийг шинэчлэх, Пхеньянтай итгэлцлийн гүүр байгуулах амлалт өгсөн. Ямартаа ч түүний ЗГ Касэний аж үйлдвэрийн паркийг ахин нээх асуудал дээр Умардтай зөвшилцөлд хүрсэн юм. Гэвч 1950-53 оны хооронд болсон Солонгосын дайны үеэр хагацан салсан гэр бүлүүдийг ахин нэгтгэх хэлцэл үр дүнд хүрээгүй байна.

БНСУ-ын анхны ерөнхийлөгч болох Park Geun-hye тус улсын ерөнхийлөгч асан Park Chung-hee-гийн охин. 1974 онд Умардын зэвсэглэсэн цэрэг эхийг нь хөнөөсний дараа тэргүүн хатагтай болсон юм. 1998 онд анх удаа парламентэд сонгогдон, 2007 онд ерөнхийлөгчийн сонгуульд нэр дэвшсэн. 

Умард Солонгосын тал цөмийн болон пуужингийн хөтөлбөрүүдээ үргэлжлүүлсээр байгаа энэ үед зарим орнууд олон талт яриа хэлэлцээ хийх уриалга гаргаад байгаа юм. Европийг зорихоосоо өмнө ярилцлага өгсөн ерөнхийлөгч, “Умардын удирдагчидтай хийдэг хэлэлцээний өмнөх арга замыг эвдэх хэрэгтэй. Умардын зүгээс үзүүлдэг айлган сүрдүүлэлт, өдөөн хатгалгыг урамшуулж, эрхлүүлж хүлээж авсаар ирсэн. Гэтэл тэд хөнөөлт үйлдлээ ахиад л давтдаг. Энэ хүрдийг эвдэх хэрэгтэй. Эс бөгөөс тэд цөмийн хүчин чадлаа өсгөн, бид илүү хүнд байдалд орно. Тэр үед бид Умард Солонгос цөмийн зэвсэг эзэмших ёстой юу үгүй юу гэдгийг биш харин тус улсаас зэвсгээ буурулахыг уриалаад сууж байх болно.” гэжээ. Өгөрсөн 3 жилийн хугацаанд Умард Солонгос цөмийн туршилт хийн, алсын тусгалтай пуужин хөөргөн, Yongybyon дах цөмийн реактораа ашиглалтад оруулсан. Мөн Өмнөдийн арал руу гал нээн, энгийн хүн нийлсэн 4 хүний аминд хүрсэн. Сөүл 46 цэрэг тээвэрлэж явсан дайны хөлөг онгоцыг нь Умардын тал живүүлсэн гэж үздэг.

Умардын талаас хийж хэрэгжүүлсэн, дээр дурдсан үйлдлүүдийн дараа тус улсын холбоотон болон дайсан улсууд ч ойртсон гэхэд болно. НҮБ-ын АЗ-өөс баталсан хориг арга хэмжээг Пхеньяны холбоотон Хятад улс ч баталсан. Мөн ерөнхийлөгч Пак Н Хэ өнгөрсөн 6-р сард Бээжинд айлчлахад түүнийг халуун дотно угтан авсан юм. Энэ үеэр тэрээр “Хятад бол их ойр хөрш. Хамтын ажиллагаагаа бэхжүүлэх олон хөтөлбөрийг хэрэгжүүлж байна.” гэсэн юм.  

Харин Солонгос-Хятадын харилцаа хүнд хэвээр байна. Ерөнхийлөгчийн албан үүргээ аваад 8 сар өнгөрсөн байтал тэрээр Японы болон АНУ-ын удирдлагуудтай уулзаагүй байна. “Яаран түвдэх шаардлага байхгүй. Хоёр орны харилцаанд саад болсон хэд хэдэн асуудал байна. Эхнийх нь Японы эзлэн түрэмгийллийн үеэр хүчээр биеийг нь үнэлүүлсэн эмэгтэйчүүдийн асуудал юм. Тэд амьдралаа зовлон зүдгүүр дунд өнгөрөөсөн. Үлдсэн амьдрал нь ч там болсон. Гэтэл энэ хэргийг одоог хүртэл шийдвэрлээгүй. Японы тал байр сууриа огтхон ч өөрчлөөгүй. Хэрэв тэд өмнөх тайлбаруудаа давтсаар байвал дээд хэмжээнд уулзалт зохион байгуулахын зорилго нь юу юм бэ? Тэгснээс уулзаагүй нь дээр.” гэж ерөнхийлөгч онцолжээ. Японы дайны үеэр эмэгтэйчүүд арван эмэгтэйчүүдийг бэлгийн боолчлолд ашигласан нь Өмнөд Солонгосчуудын уур буримдлыг маш их төрүүлдэг. Харин Япончуудын Takeshima, Өмнөд Солонгосчуудын Dokdo гэж нэрлэсэн арлаас үүдэн талууд газрын маргаантай байдаг.  Энэ хадан арал хоёр орны голд оршдог юм. Гэтэл Япон улс байр сууриа огт өөрчлөлгүй, өөртөө итгэлтэй байсаар байгаа юм.

Б.Эрдэнэчимэг

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.