Сар шинийн баярыг өргөн хүрээнд тэмдэглэхгүй байх шийдвэр гаргалаа

Twitter Print
2020 оны 02-р сар 10-нд 17:29 цагт
Мэдээний зураг,

Улсын онцгой комиссоос сар шинийн баярыг өргөн хүрээнд тэмдэглэхгүй байх шийдвэр гаргажээ. Гэхдээ эцсийн шийдвэрийг Үндэсний аюулгүй байдлын зөвлөл гаргах аж. 

Өнөөдөр болсон Улсын онцгой комиссын хуралдааны шийдвэрийн талаар танилцуулахдаа Шадар сайд Ө.Энхтүвшин “Улсын онцгой байдлын комиссын гишүүдийн саналаар сар шинийн баяр тэмдэггүй байх шийдвэр гаргах нь зүйтэй гэж үзэж байна. Сар шинийн баярыг хориглох албан ёсны шийдвэрийг Ерөнхийлөгч гаргах байх. Улсын онцгой комиссоос шийдвэрээ гаргалаа. Одоо Үндэсний аюулгүй байдлын зөвлөл хуралдаж, шийдвэр гаргана” гэлээ. 

Онцгой комиссын хуралдааны үеэр Эрүүл мэндийн сайд Д.Сарангэрэл "Сар шинийн баярыг тэмдэглэх эсэхийг төр гэхээсээ илүүтэй түмэн олон өөрсдөө шийдэж таарна. Гэхдээ өргөн олноороо тэмдэглэхгүй байх албан ёсны шийдвэрийг төрөөс гарчихвал цагаан сарыг тэмдэглэх хамрах хүрээ багасах болов уу. Төрийн албан ёсны шийдвэр гарчихвал очих гийчин, тосох айлын хүлээлт багасаж, “Очиж золгохгүй бол болохгүй” гэдэг ёсоо энэ удаа хойш тавьж, эрсдэл багатайгаар Сар шинийн баяраа тэмдэглэх боломж байна. Шинэ жаран эхэлж байхад гэр бүлийн хүрээнд тэмдэглэхийг хязгаарлах хэцүү. Харин албажуулаад өгвөл ард нийтийн сэтгэл санаа ч нэг талдаа гарах биз. Гол нь таньж мэддэг айл бүрт очихгүй, бусдын гар тэнийлгэх болох болохгүй бэлэг сэлтэд мөнгөний урсгал чиглэхгүй, үндэсний бүтээгдэхүүнээ дэмжсэн, цомхон хүрээнд ёслоод өнгөрвөл зүгээр. Гол нь шийдвэр гарсан гараагүй халдварт вирус өргөн тархсан үед гэр гэртээ, эрүүл мэндээ бодож, ариун цэвэр сахиж, энх тунх шинэлмээр байна.

Хятад Цагаан сараа өргөн тэмдэглэснээс үүдэн халдварт вирусийн хамрах хүрээг тэлсэн гэж мэргэжлийн хүмүүс хэлж эхэллээ. Цагаан сарыг тэмдэглэх талаар олон нийтийн сүлжээнд санал асуулга явуулахад иргэдийн 87 хувь нь “тэмдэглэхгүй байх нь зүйтэй” гэсэн санал өгсөн. Яагаад гэвэл БНХАУ шинэ коронавирус тархахад цагаан сар тодорхой нөлөө үзүүлсэн гэж зарласан. Тиймээс Улсын онцгой комиссоос сар шинийнхээ баярын асуудлыг тодорхой шийдвэрлээд, ард иргэдэд чиглэл өгөх хэрэгтэй болов уу" хэмээн байр сууриа илэрхийлсэн юм.

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Zochin

      (66.181.179.82) 2020-02-10 17:54
      • 0
      • 0

      Gantshan jil teseed temdeglehgui hesehgui baitsgaayaa ahmaduudaa ene jil tsagaan sariig hiihgui baitsgaayaa ur huuhed zaluusdaa ulger jishee bolj temdeglehgui baiy

      Хариулах