Г.Шийлэгдамба: МАХН-аас УИХ-д сонгогдсон гишүүдийг огцруулна гэдэг буруу мэдээлэл

Twitter Print
2014 оны 06-р сар 20-нд 16:57 цагт
Мэдээний зураг,

Энэ сарын 9-10-ны өдрүүдэд  МАХН-ын удирдах ажилтны зөвлөлгөөн болсон. Зөвлөлгөөнөөр улс орныг хямралт байдлаас хэрхэн гаргах, эдийн засгийн нөхцөл байдал, авилга хээл хахууль, иргэдийн дундын өмчлөлийн талаар хэлэлцсэн байна. Мөн МАХН-аас УИХ-д нэр дэвшин сонгогдсон гишүүдийг идэвхтэй ажиллахыг хүссэн шаардлага хүргүүлсэн талаараа МАХН-ын Ерөнхий нарийн бичгийн дарга Г.Шийлэгдамба, түүний зөвлөх Г.Дугаржав нар өнөөдөр намынхаа байранд мэдээлэл хийлээ. 

Энэ үеэр Намын ерөнхий нарийн бичгийн дарга Г.Шийлэгдамба "Манай намаас Засгийн газар, УИХ-д сонгогдсон зарим гишүүдийг огцруулах эсэх талаар гадуур ярьж буй нь буруу мэдээлэл гэдгийг онцолсон юм. Мөн МАХН-ын удирдлагуудад, тэр дундаа намын даргад хандан нууц компани нь илж болж байна гэх мэт ор үндэсгүй мэдээллийг хэвлэл мэдээллийн хэрэгслээр дамжуулж байгаад няцаалт хийлээ.

Үүнийгээ тайлбарлахдаа "Манай намын дарга Н.Энхбаяр нь Монгол Улсын Ерөнхийлөгчийн албан тушаалаас бууснаас хойш өнөөдрийг хүртэлх хугацаанд нэг ч ААН, компанийг удирдаж, удирдах бүрэлдэхүүнд нь орж ажиллаагүй. Эдгээр асуудал нь магадгүй МАХН-ын дарга эх орондоо эргэн ирэхтэй холбоотойгоор улс төрийн зорилгоор явуулж буй цуу яриа байж болзошгүй” гэлээ.

 

Х.Хулан

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.