Цалинтай ээж хөтөлбөрийн мөнгийг энэ сарын 18-нд олгоно

Twitter Print
2020 оны 02-р сар 12-нд 16:48 цагт
Мэдээний зураг,

Засгийн газрын /2020 оны нэгдүгээр сарын 22-ны/ өдрийн хуралдаанаар халамжийн тэтгэвэр, асаргааны тэтгэмжийг шинэчилсэн билээ.

Тодруулбал, Нийгмийн халамжийн тэтгэврийн хэмжээ өмнө нь 174 мянган төгрөг байсныг 188 мянган төгрөг болгож, асаргааны тэтгэмжийг сар бүр 76 мянган төгрөгөөр олгодог байсныг 84500 болгож нэмэгдүүлсэн бол хөгжлийн бэрхшээлтэй хүүхдийг гэртээ асарч байгаа эцэг эхчүүдэд 114 мянган төгрөг олгодог байсныг 123100 төгрөг болгон тус тус нэмэгдүүлж, шинэчлэн тогтоосон юм. 

Тэгвэл халамжийн тэтгэвэр тэтгэмжийн нэмэгдлүүдийг хоёрдугаар сарын 15-нд олгохоор болжээ. Харин цалинтай ээж хөтөлбөрийн мөнгийг хоёрдугаар сарын 18-нд, хүүхдийн мөнгөн тэтгэмжийг хоёрдугаар сарын 20-ноор олгохоор Хөдөлмөр, халамжийн үйлчилгээний ерөнхий газраас төлөвлөсөн байна.

Тус бүрт нь өөр өдөр олгож байгаа нь халамжийн мөнгийг нэг өдөр бөөнөөр нь олгож ачаалал үүсгэхгүйгээр зохион байгуулж байгаа нь иргэдийн цагийг хэмнэхэд нэмэртэй хэмээн Хөдөлмөр халамж үйлчилгээний ерөнхий газраас мэдээлэв.

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.