Жүжигчин Чан Вугийн залуу байх нууцаас

Twitter Print
2014 оны 06-р сар 21-нд 14:57 цагт
Мэдээний зураг,

Монголчуудын дунд Солонгосын олон ангит "Анхны хайр" киноны Сүн Чан Ву-гийн дүрээр сайн мэдэх болсон жүжигчин Бэ Юунг Жуний хувийн амьдрал олны нүднээс нууц байдаг ч одоо хүртэл гэрлээгүй гэдгийг БНСУ даяараа мэддэг. Ихэмсэг бардам төрхөөрөө бусдыг өөртөө татдаг түүний бүтээсэн дүр бүр үзэгчдийн хайр хүндэтгэлийг эрхгүй хүртдэг. Олон ангит кино сериалаараа дэлхийд дээгүүрт бичигддэг БНСУ-ын хувьд кино урлагийн томоохон зүтгэлтнүүдийн нэг. Түүний тоглосон кино бүр өндрөөр үнэлэгдэж, шагналын хур буулгадаг гэсэн үг. Шилдэг дүрүүд, шилдэг кино гээд дэлгэцийн бүтээлүүдэд түүний авсан шагнал гэвэл цөөнгүй. 

Ашиг орлогоороо, нэр хүндээрээ Солонгостоо дээгүүрт бичигддэг чансаатай жүжигчдийн ч нэг. 1972 онд төрсөн тэрээр одоо хүртэл гэрлээгүй. Солонгосын хамгийн шилдэг жүжигчидтэй болзоо тогтоож дотно харилцаа үүсгэж байсан амьдрал зохиохгүй байгаад гайхах хүн Ази даяар нэг байдаг. Түүний хөдөлгөөн бүрийг ажиглаж байдаг фэнүүдийнх нь хувьд гэр бүлийн амьдрал нь хэрхэн өрнөхийг хүлээсэн, таамагласан, бусадтай болзуулсан цуу яриа БНСУ-ын хэвлэлээр дүүрэн байдагт тэр эгдүүцдэг гэнэ. Хамт кинонд дүр бүтээсэн эмэгтэйтэйгээ гэрлэх гэж байгаа талаар мэдээлэл гарахад тэрээр маш их эмзэглэдэг байна. Учир нь цаг зав багатай түүний хувьд эмэгтэй хүнтэй танилцахаас илүү уран бүтээлдээ хамаг анхаарлаа хандуулдаг ажил хэрэгч нэгэн.

Хайрын тухай, түүхэн, найз нөхдийн, тагнуулын, ах дүүсийн гээд түүний тоглосон кинонууд гарсан даруйдаа мянга мянган шүтэн бишрэгчдийн хүлээлт, догдлол, хүндлэлийг гарцаагүй хүртдэг. Түүгээр ч зогсохгүй Солонгосын нэр хүнд бүхий телевиз, пүүс компаниуд сурталчилгаандаа тоглуулахыг урьж, Азийн орнуудаас кинонд тоглох санал байнга дарагддаг. Түүний жилийн дундаж орлого 1 тэрбум гаруй вонн юм байна. Учир нь тэрээр нэг ангитай кинонд тоглоход л 250 сая вонны ханштай байдаг аж.

Ази даяар Солонгосын кино урлагийг тvгээн дэлгэрүүлсэн 13 жvжигчний нэгдvгээрт бичигддэг тvvнийг кинондоо тоглуулахын тулд найруулагчид дугаарлан зогсч байдаг гэлцдэг. Дулаахан харц, хайр татам инээмсэглэлээрээ бvсгvйчvvдийг татдаг Бэ Юунг Жун арлын Японд төрөлх Солонгосоосоо дутахгvй олон шvтэн бишрэгчтэй болж чадсан.

Тэрээр 2012 онд “Солонгосын гоо үзэсгэлэнгийн эрэлд” ном бичсэн байна.

1972 онд төрсөн тэрээр хэлэхдээ "Би хөгшрөхөөс огтхон ч айдаггүй. Ийм сайхан залуу харагдаж байгаагийн маань нууц тун энгийн. Хүн эерэг бодолтой,  аз жаргалтай байвал хөгшрөхгүй" гэж захилаа. Охид бүсгүйчүүдийн хайрыг татдаг түүний сонирхдог эмэгтэй шаргал үстэй бүсгүй бөгөөд түүнийг энэ хариулт хэлсэн даруйд БНСУ-д бүсгүйчүүд үсээ шараар будуулсан гэдэг. Одоо хүртэл БНХАУ-ын томоохон хотуудад Чан Вуд дурласан бүсгүйчүүд үсээ шараар будуулсаар байгаа гэнэ.

Х.Эрдэнэсолонго

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.