Хэн нэгнээс юу ч битгий хүлээ

Twitter Print
2020 оны 09-р сар 16-нд 10:03 цагт
Мэдээний зураг,

Уг нь чи жаахан л сэтгэл хүлээсэн. Хайрлах байх, тэврэх байх, үнсэх байх, баярлалаа гэж хэлэх байх, одоо ойлголоо гэж хэлэх байх гэх мэт. Хайртай тусмаа улам их сэтгэл хүлээдэг.

Ирсэн зүйлийг талархалтайгаар хүлээж аваад, ирээгүй зүйлд харамсахгүй байх ухаанд суралцах нь хүний амьдралын бас нэгэн чухал сурах ёстой зүйлүүдийн нэг байдаг. Бид нар эрт босч, өглөө цайгаа ууж, хүнтэй эвтэй харьцаж, муу хүмүүсээс зайгаа барьж гэх мэт энгийн зүйлсд суралцдаг хэрнээ ямар нэгэн сэтгэлийг хэн нэгнээс хүлээхгүй байх ухаанд жаахан дутуу суралцдаг. Иймд улам хичээж, болох зүйл болдогоороо л болно. Болохгүй зүйлийг хичээгээд ч нэмэргүй гэдэг дээ санал нэгдэж жаахан ухаалаг байгаарай гэж хэлмээр байна.

Зарим зүйлийн араас болгох гэж хэтэрхий хөөцөлддөг. Амьдрал нь болж бүтэхгүй болсон хүүгийнхээ араас хөөцөлдсөөр л байдаг. Тусыг эс олдог. Бэртэйгээ, үр хүүхдүүдтэйгээ харилцах гэж хичээх тусам л харилцаа нь муудаад байдаг. Үүний шалтгаан нь хүүхдүүдээсээ хэтэрхий их сэтгэл хүлээж, хүүхдүүддээ туслаж байж гэж бодсоор, эцэст нь ямар ч тусалсан биш өөрөө сэтгэл санаагаар хохирч урам нь хугардаг. Учир нь хүүгээ хүүхэд байхаас нь ахуулаад биеийг нь даалгах, амьдрах ухаанд суралцуулаагүй байнаа гэсэн утгатай болно.

Иймд хая, орхи, хөгжүүл, биеийг нь даалга, ямар нэгэн зүйл битгий хүлээ. Зүгээр л орхи. Бүх зүйл аяандаа өөрчлөгдөж, сайхан болсон байх болно. Хамгийн чухал нь хэн нэгнээс юу ч битгий хүлээ. Сайхан зүйл ирвэл тэр л биз. Ирэхгүй бол тэр л биз.

Э.Дөлгөөн 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.