Д.Нямхүү дарга баатар ч юм шиг хулгайч ч юм шиг...

Twitter Print
2020 оны 07-р сар 23-нд 11:52 цагт
Мэдээний зураг,

КОВИД тусаад өнгөрсөн ч юм шиг тусгах гээд бэлдээд байгаа ч юм шиг, Д.Нямхүү дарга баатар ч юм шиг хулгайч ч юм шиг, онцгой комисс хурал хуралдаад ч байгаа юм шиг хувь хандив хураагаад ч байгаа юм шиг, даргаар нь Загдааг тавьчмаар ч юм шиг.

Одоогийн дарга нь ажилдаа дарагдаад хүүгээ сайд болсныг мэдсэн ч юм шиг мэдээгүй ч юм шиг, масктай ч юм шиг маскгүй ч юм шиг, мэдээлэл яриад ч байгаа юм шиг уншаад ч байгаа юм шиг, уншлагадаа зүдрээд зарим нь гуншаад ч байх шиг, иргэд нь наадамдаад ч байх шиг нас бараад ч байх шиг, онхолдоод ч байгаа юм шиг дэлбэрээд ч байгаа юм шиг, үзэсгэлэнт байгальд аялаад ч байгаа юм шиг задгай газарт морь хараад ч байгаа юм шиг, нуурын усанд умбаад ч байгаа юм шиг, халуун усанд ороод ч байгаа юм шиг, ажиллаад ч байх шиг, амраад ч байх шиг, хүүхдүүд маань Гейтс болох гээд ч байгаа юм шиг, Тарзан болох гээд ч байгаа юм шиг, улс орон хямраад ч байх шиг, хөгжөөд ч байх шиг, наадмын дараа намар, намрын дараа өвөл болохоо больсон ч юм шиг, нэг мөсөн нэг улиралтай Африк болсон нь дээр ч юм шиг...

Үнэн худал нь үл мэдэгдэх, онцгой сонин цаг үеийн гэрч болж байна даа гэж бодохоор дотор сэтгэлд баясал төрөөд огшмоор ч юм шиг, огшоод архи уумаар ч юм шиг... архи уугаад Гүндалай шиг уйлмаар ч юм шиг... Уйлаад шал согтуу лайвдмаар ч юм шиг...

Ц.Төрөө

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.