Монгол улсын 329 сумын 90 хувь нь өндөр хурдны интернэттэй холбогдлоо

Өнөөдөр “Ерөнхий сайдын 30 минут” Нутгийн удирдлагын танхимд боллоо. Энэ удаа “Мэдээлэл, холбооны үндсэн сүлжээний өргөтгөл, шинэчлэл” төслийн танилцуулгыг хүргэсэн юм. Монгол улсын бүх аймаг, сумыг  интернэтийн сүлжээнд холбох ажлыг хийж дууссан байна. Шилэн кабель нь дэлхий дээр ашиглагдаж байгаа хамгийн хурдан технологи бөгөөд сүлжээ хурдтай, нууцлал өндөртэй, мэдээллийн найдвартай байдлыг хангадаг аж.

Дээрх төсөл хэрэгжсэнээр Монгол улсад өндөр хурдны шилэн кабелийн сүлжээ байгуулагдаж, үүрэн холбооны үйлчилгээний хамрах хүрээ, чанар сайжрах, Төрийн байгууллагуудын цахим үйлчилгээг онлайнаар хүргэх, зайн сургалт, интернэтийн үйлчилгээ нэвтрэх, алсын оношлогоо, видео хурлыг зохион байгуулах зэрэг бүх төрлийн үйлчилгээг цахим хэлбэрээр дамжуулах нөхцөл боломжийг бүрдүүлэх чухал ач холбогдолтой.

“Мэдээлэл, холбооны үндсэн сүлжээний өргөтгөл, шинэчлэл” төсөл нь нийт 45.649.610 ам.долларын төсөвт өртөгтэй ажил юм байна. Энэхүү хөрөнгөөр тоног төхөөрөмж, шилэн кабелийн суурилуулалт, зураг төслийн дизайн, хайгуул, суурилуулах үйлчилгээ болон тохиргооний хэсэг бүх ажлыг хийж гүйцэтгэжээ.

Мэдээлэл холбооны үндсэн сүлжээний, шинэчлэл төслийн ажлын гүйцэтгэл /Шилэн кабель ашиглалтанд орсон/

Архангай аймаг

Сумдын нэр-Булган, Жаргалант, Ихтамир, Өндөр-Улаан, Тариат, Төвшрүүлэх, Хангай, Хотонт, Цахир, Цэнхэр, Цэцэрлэг

Баян-Өлгий аймаг

Буянт, Дэлүүн, Ногооннуур, Сагсай, Толбо, Улаанхус, Цагааннуур, Цэнгэл

Баянхонгор аймаг

Баацагаан, Баянбулаг, Жаргалант, Заг

Булган аймаг

Баян-Агт, Гурванбулаг, Могод, Сэлэнгэ, Тэшиг, Хангал

Говь-Алтай аймаг

Баян-Уул, Жаргалант, Халиун, Хөхморьт, Цогт, Цээл

Дорноговь аймаг

Зүүнбаян, Улаанбадрах, Замын-Үүд, Чойр

Дорнод аймаг

Баяндун, Баян-Уул, Булган, Гурванзагал, Мардай, Матад, Сэргэлэн, Хөлөнбуйр, Цагаан-Овоо

Дундговь аймаг

Адаацаг, Буянжаргалан, Говь-Угтаал, Гурвансайхан, Дэлгэрцогт, Дэрэн, Өндөршил, Цагаандэлгэр

Завхан аймаг

Алдархаан, Дөрвөлжин, Завханмандал, Сантмаргац, Тэс, Ургамал, Цагаанхайрхан, Цэцэн-Уул, Эрдэнэхайрхан

Өвөрхангай аймаг

Тарагт, Уянга, Зүүнбаян-Улаан

Өмнөговь аймаг

Хүрмэн, Баяндалай

Сүхбаатар аймаг

Асгат, Баяндэлгэр, Дарьганга, Наран, Онгон, Сүхбаатар, Түмэнцогт, Халзан, Эрдэнэцагаан

Сэлэнгэ аймаг

Шаамар, Зүүнбүрэн, Цагааннуур, Түшиг, Орхон /ДХ Жимс/, Жавхлан, Ерөө, Орхон, Сант

Төв аймаг

Баяндэлгэр, Архуст, Баянцагаан, Эрдэнэсант, Бүрэн, Дэлгэрхаан, Аргалант, Заамар, Алтанбулаг, Сүмбэр

Увс аймаг

Бөхмөрөн, Давст, Завхан, Зүүнговь, Өндөрхангай, Тариалан

Ховд аймаг

Буянт, Дөргөн, Дуут, Ховд

Хөвсгөл аймаг

Алаг-Эрдэнэ, Арбулаг, Бүрэнтогтох, Галт, Рашаант, Хатгал, Цагаан-Уул, Цагаан-Үүр, Чандмань-Өндөр, Эрдэнэбулган

Хэнтий аймаг

Галшар, Батноров, Батширээт, Баян-Адарга, Баянмөнх, Баянхутаг, Баян-Овоо, Биндэр, Бор-Өндөр, Бэрх, Дархан, Дэлгэрхаан, Норовлин, Өмнөдэлгэр

Дархан-Уул, Орхон аймаг

Мөн найман аймгийн 19 сумыг ирэх наймдугаар сарын 15-ны дотор Шилэн кабелийн сүлжээнд холбож бүрэн ашиглалтанд оруулахаар төлөвлөж байна.

 

Энэ мэдээ танд таалагдаж байвал LIKE хийгээрэй. Танд баярлалаа.