Япончууд Токио хотоос гарч амьдрахыг илүүд үзэх болжээ

Twitter Print
2022 оны 03-р сар 16-нд 12:36 цагт
Мэдээний зураг,

2021 оны байдлаар Японы нийслэл Токио хотын хүн ам өнгөрсөн 25 гаруй жилийн түүхэнд анх удаа буурч, 48 592-оор цөөрсөн тухай Токио хотын захиргаанаас мэдээлжээ.

Токио хотоос гарч шинэ амьдрал эхлүүлэх гэсэн хүсэлтэй хүмүүсийн тоо өнгөрсөн жилээс хойш огцом нэмэгдсэн нь коронавирусын цар тахалтай холбоотой хэмээн мэргэжилтнүүд үзэж байна.

Японы засгийн газраас 2015 онд Японы засгийн газар орон нутгийг хөгжүүлэх төсөл хэрэгжүүлж эхэлсэн нь одоо зр өгөөжөө өгч эхэлж байна хэмээн Токиогоос орон нутаг руу нүүж буй иргэдэд тусалдаг ашгийн бус байгууллагын тэргүүн Хироши Такахаши онцолжээ.

Хироши Такахашигийн байгууллага өнгөрсөн жил л гэхэд Токиогоос нүүх хүсэлтэй 50 мянга орчим хүнд зөвлөгөө өгсөн ба тэдгээрийн 70 гаруй хувь нь 50-аас доош насныхан байжээ.

Токиочуудын хамгийн ихээр нүүх хүсэлтэй газруудын нэгт Токиогоос хурдан галт тэргээр 1 цагийн дотор хүрэх Номхон далайн эрэг дэх Шизүока муж, хоёрт Токиогоос 885 км зайд байрлах Фүкүока муж тус бүр оржээ.

Японы компаниуд ажилчдаа зайнаас ажиллуулахыг таатай хүлээж авдаггүй ч коронавирусын цар тахал цахимаар ажиллах нь оффист ажиллахтай адил үр дүнтэй байж болохыг харуулж чадсан юм.

Токиогоос нүүх хүсэлтэй иргэдийн тоо ирэх жилүүдэд буурахгүй ба энэ нь залуус амьдарч буй орчноо чухалчлах болсонтой холбоотой гэжээ.

Токиод амьдардаг иргэдийн дунд явуулсан санал асуулгаар залуусын талаас илүү хувь нь Токиогоос нүүх хүсэлтэйгээ илэрхийлжээ.

Гоймонгоороо алдартай Сано хот хоёр жилийн өмнөөс тус хотод нүүж ирж буй иргэдийг гоймон хийх сургалтаас гадна менежмент, нягтлан бодохын сургалтанд хамруулах хөтөлбөр хэрэгжүүлж эхэлсэн ба нүүж ирсэн иргэдэд санхүүгийн тусламж дэмжлэг үзүүлж эхэлжээ.

Саятама мужийн Чичибу хот руу залуус ихээр ирэх болсон ба хотын удирдлагууд залууст хуучин байрыг засч орох, машин худалдан авах мөнгө олгож, хотод нь 7 хоног үнэгүй байрлаж, хоттой танилцах боломжийг олгож эхэлжээ.

Эх сурвалж: The Guardian

Содномцэрэнгийн Энхзаяа

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • DR UROLOGIST

      (197.210.76.43) 2022-03-18 10:00
      • 0
      • 0

      Энэ нь олон нийтийн эрүүл мэндийн талаар урьдчилан мэдээлэх явдал юм Эмнэлэг нь ноцтой бөгөөд бөөрний хандивлагчдын эрүүл мэндийн тусламж үйлчилгээг яаралтай эрэлхийлж байгаа бөгөөд энэ нь 100 тэрбум долларыг 780,000 ам.доллараар бөөрөөр нь зарж байна. Хэрэв хэн нэг нь бөөрний хандив өгөх хүсэлтэй байгаа бол DR.PRADHAN.UROLOGIST.LT.COL@GMAIL.COM хаягаар хандана уу. Та манай хамтран ажиллах вэбсайтыг www.drpradhanurologist.com сайтаас үзэж болно.

      Хариулах