Хүүхдэдээ өөрсдөө нэр өгч, нэрээр нь дуудаж байх хэрэгтэй

Харилцах

Зарим хүмүүс хүүхдээ хайраа, хонгороо, миний сайхнаа гэж янз бүрээр дууддаг. Мэдээж хайртай үрээ хэн гэж дуудах нь таны хэрэг ч сэтгэл зүйч хүний хувьд хүүхдээ хэрхэн дуудах тал дээр тайлбарыг ийнхүү хүргэж байна.

Та хүүхдээ хайртай залуугаа, хань ижилээ дууддаг шиг дуудах хэрэггүй гэж зөвлөх байна. Таны хүү охин болохоос нөхөр тань биш шүү дээ. Ерөнхийдөө дутуугийн мэдрэмжээрээ эсвэл хүүхдээ эхнэр болон нөхрийн байр сууринд тавьчихдаг хүмүүс ингэж дуудах хандлага өндөр. Мөн хүүхдээ шүтдэг аав ээж хайраа, гүнж гэж дууддаг.

Хүүхдээ элдэв янзаар дуудалгүй яг л нэрээр нь дуудах, нэр өгөхдөө маш бодож өгөх, лам хараас асуулгүй хамтаа ярилцаж өгвөл илүү зүгээр.

Та хүүхдээ нэрээр нь дуудахаас гадна маш ухаантай хүнтэй харилцаж буй мэт харилцаарай. Харилцаа, хэн гэж дуудах нь түүний ирээдүйд асар өндөр үүрэг гүйцэтгэнэ.

Нэгэн жишээ дурьдахад Африкийн Гана улсад Ашанти нэртэй нэгэн овог байдаг ба тэдний дунд нэгэн уламжлал байдаг. Тэр нь юу гэхээр Лхагва гарагт төрсөн хүүхэд бүрт "Күвакү" гэдэг нэр өгдөг байв. Нэрийн утга нь “Түрэмгийлэгч”, “Довтлон дайрагч” гэсэн утгатай ба тэр нэрээр нэрлэсэн хүүхдээ энэ нэрээр дуудна.

Монголоор бол түрэмгийлэгчээ ээ гэж байнга дуудаж байна гэсэн үг. Тэгтэл нэгэн сонирхолтой юм ажиглагдсан нь Ганад гарсан нийт гэмт хэргийн ихэнх хувийг нөгөө Күвакү нэрт хүүхдүүд үйлддэг болох нь тогтоогдсон байна.

Үг гэдэг ийм л хүчтэй байдаг байх нь. Хүүхдээ бүү муу үгээр дуудаж, хэлээрэй. Арчаагүй, юу ч мэдэхгүй, балай, эргүү, яах гэж төрүүлэв ээ гэх мэт.

Үүний оронд:

Аав ээж нь хүүгээрээ, охиноороо бахархаж байна, итгэдэг шүү, үзэсгэлэнтэй шүү, чиний зөв, дэмжинэ, наддаа төрсөнд баярлалаа, чиний талд шүү гэх мэтээр магтаарай.

Сэтгэл зүйч Н. Ариун-Эрдэнэ

 

Энэ мэдээ танд таалагдаж байвал LIKE хийгээрэй. Танд баярлалаа.