Бээжингийн оршин суугчдыг нийтээр нь шинжилгээнд хамруулж эхэллээ

Twitter Print
2022 оны 04-р сар 26-нд 10:00 цагт
Мэдээний зураг,

БНХАУ-ын нийслэл Бээжингийн Чаоян дүүрэгт өнгөрсөн амралтын өдрүүдээр коронавирусын халдварын 26 тохиолдол бүртгэгджээ. Үүнтэй холбоотойгоор Хятадын эрх баригчид Бээжин хотын оршин суугчдыг нийтээр нь коронавирусын шинжилгээнд хамруулах ажлыг эхлүүлээд байна.

Бээжин Шанхай хотын араас хөл хорионд орж болзошгүй тул Бээжингийн оршин суугчид дэлгүүр супермаркетуудын гадаа урт дараалал үүсгээд байна. Эрх баригчдын зүгээс хоол хүнсний хомстол үүсэхгүй хэмээн анхааруулсан ч иргэд зарим дэлгүүрүүдийн лангууг хоосолжээ. Бээжингийн томоохон супермаркетууд ачаалал нэмэгдсэнтэй холбоотойгоор ажиллах цагаа сунгасан байна.

25 сая хүн амтай Шанхай хотын иргэд хэдэн долоо хоногийн турш хатуу хөл хорионд ороод байгаа билээ. Бээжингийн хамгийн олон хүн амтай Чаоян дүүргийн 3.5 сая оршин суугчид бүгд коронавирусын шинжилгээнд 72 цагийн дотор 3 удаа хамрагдах аж.

Хятадын төрийн өмчит The Global Times сайтад бичсэнээр Хятадын эрх баригчид дэлгүүрүүдэд мах, махан бүтээгдэхүүн, өндөг, ногоо зэрэг бүтээгдэхүүн нийлүүлдэг компаниудад нийлүүлэлтээ нэмэгдүүлэхийг даалгажээ.

Байшингийн орц бүрийн шат, хотхоны бүх замыг тусгай шүршигчтэй машинаар ариутгаж, орон сууцны байрнуудын орц бүрт нүүр таних төхөөрөмж суурилуулан, цаг зарлаж таниулаад хаалгуудаа цоожилж эхэлжээ.

Түүнээс гадна оршин суугчдаас авсан шинжилгээний хариунаас шалтгаалж эрх баригчид хөл хорио тогтоох эсэхийг шийднэ гэжээ.

Бээжингийн Өвчнөөс урьдчилан сэргийлэх, хянах төвийн орлогч захирал Пан Шиньхуо Бээжинд ирэх өдрүүдэд коронавирусын халдварын тоо нэмэгдэх хандлагатай байгаа хэмээн мэдэгджээ.

Эх сурвалж: BBC

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.