Дэлхий дахинд нийт 16300 цөмийн цэнэгт хошуу бий

Twitter Print
2015 оны 12-р сар 02-нд 08:28 цагт
Мэдээний зураг,

Өнгөрсөн онд дэлхийн цөмийн цэнэгт хошууны нөөц 16300 болон буурсан статистик байдаг. Энэ нь АНУ болон ОХУ цөмийн цэнэгт хошууныхаа нөөцийг багасгасантай ихээхэн холбоотой гэж Шведэд төвтэй энхийн судалгааны хүрээлэн мэдэгдлээ.

"Стокгольмын олон улсын энхийн судалгааны хүрээлэн"-гийн мэдэгдсэнээр, цөмийн цэнэгт хошууны тоо 2013 оныхтой харьцуулахад 970-аар буурсан байна.

Идэвхтэй, агуулахад байсан буюу устгахад бэлэн цэнэгт хошуунуудыг энэ тооцоонд багтаасан байна. Цөмийн хүнд жингийн хоёр тоглогч болох АНУ, ОХУ-д дэлхийн цөмийн нөөцийн 90 гаруй хувь байдаг аж. АНУ-д 7300, ОХУ-д 8000 цэнэгт хошуу бий гэж тооцоолжээ.

Дэлхийн есөн улсад цөмийн зэвсэг бий гэж тус хүрээлэн үзэж байна. Тус хоёр улсаас гадна Британи, Франц, Хятад, Энэтхэг, Пакистан, Израиль болон Умард Солонгост цөмийн зэвсэг бий гэж Стокгольмын олон улсын энхийн судалгааны хүрээлэн мэдэгдлээ.

Энэтхэг болон Пакистан баллистик, далавчит пуужингуудаа боловсронгуй болгосоор байна. Энэтхэгт 90-100 орчим, Пакистанд 100-120, Израильд 80 ширхэг цөмийн цэнэгт хошуу байгаа аж.

Харин Хятад улсад 250 цөмийн цэнэгт хошуу байна. Үүний 190 нь газрын баллистик пуужин болон нисэх онгоцных ажээ.
2006 онд анх цөмийн туршилт хийж байсан Умард Солонгост бол 6-8 цөмийн зэвсэг байгаа гэж тус хүрээлэн үзэж байна.

Сэтгүүлч Л.Отгонбат

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.