Тоттенхам клуб Ромагийн экс дасгалжуулагч Пауло Фонсекагтай гэрээ байгуулахаар ярилцаж байна

Twitter Print
2021 оны 06-р сар 10-нд 10:38 цагт
Мэдээний зураг,

Английн Тоттенхам клуб ахлах дасгалжуулагч Жозе Моуриногоо өнгөрсөн дөрөвдүгээр сарын 19-ны өдөр халсан билээ. Тэгвэл Италийн Рома клубын экс дасгалжуулагч Пауло Фонсекаг шинэ менежерээ болгох талаар ярилцаж байна.

Премьер лигийн Тоттенхам клуб 4-р сард халагдсан Жозе Моуриньогийн орны дасгалжуулагчийг эрчимтэй хайж байгаа бөгөөд Рома клубын экс дасгалжуулагч Пауло Фонсекатай нэр холбогдоод байна.

Харин Тоттенхэм клубээс халагдсан Жозе Моурино Рома клубын дасгалжуулагчаар ажиллаж байгаа. Спөрс одоогоор Фонсекатай тохиролцоонд хүрээгүй байгаа бөгөөд Антонио Контетой мөн клуб яриа хэлэлцээр хийсэн гэж хэвлэлүүд мэдээлж байна. Фонсека өнгөрсөн улирал эхлэхийн өмнө Ромагийн удирдлагуудад сэтгэгдэл төрүүлж чадсан боловч улирлын төгсгөлд долдугаар байрт орсноор ажилгүй болжээ.

Мөн тэд Европа лигийн хагас шигшээд “Манчестер Юнайтедад” хожигджээ.

Фонсека гурван жилийн турш Украйны Шахтёр Донецк клубыг удирдсаныхаа дараа Клаудио Раньеригээс Рома клубын жолоог авч атгасан. Португал дасгалжуулагч мөн өөрийн орны Порту, Брага клубуудыг дасгалжуулж байсан.

Тэрээр 2016-2019 оны хооронд Шахтёрыг удирдан гурван удаа дараалан дотоодын лигтээ түрүүлж байсан бөгөөд 2016 онд Брагатай Португалийн цом, 2013 онд Портутай Португалийн супер цомыг өргөсөн байна. Түүнийг Тоттенхэмд шилжихэд гол хөшүүрэг болохуйц хүчин зүйлийн нэг нь Ювентүсэд 11 жил ажилласан спортын захирал Фабио Паратичи билээ.

Дэлгэрмаагийн Баасанжаргал

mongolcom.mn

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.