Киевийн ТВ цамхгийг бөмбөгдсөний улмаас 5 хүн амиа алджээ

Twitter Print
2022 оны 03-р сар 02-нд 09:29 цагт
Мэдээний зураг,

ОХУ-ын зэвсэгт хүчин Киев хотод байрлах Украины хамгийн өндөр барилга болох телевизийн цамхгийг бөмбөгдсөний улмаас 5 хүн амиа алдсан талаар мэдээлж байна. 

Киев хотод анхааруулах дуут дохио хангинаж, хотын зарим хэсэгт дэлбэрэлт болж байгаа нь иргэдэд  сонсогдож, хотын дарга В. Кличко иргэдийг гадаа гудамж талбайд гарахгүй, анхаарал сонор сэрэмжтэй байж, шөнийг нуувчинд өнгөрүүлэхийг зөвлөжээ. 

Иргэдийн дийлэнх нь ОХУ-ын зэвсэгт хүчнээс анхааруулга өгсөний дараа орон сууцны хонгилд, хоргодох байр, нуувчинд шөнийг өнгөрөөхөөр бэлтгэжээ. 

ОХУ-ын зэвсэгт хүчин Украин улсын онц чухал хоёр объект болох Украины Тагнуулын алба болон Мэдээллийн төвийг бөмбөгдөхөө мэдэгдэж, ойролцооо амьдардаг иргэдийг аюулгүй газар луу шилжихийг анхааруулсан юм. 

Киев дахь телевизийн цамхгийг оносон хоёр пуужин нь цамхагтай ойр байрлах Дэлхийн 2-р дайны үеэр нацистуудын олон мянган еврейчүүдийг хомроглон устгасан газар болох Бабий Яр  цогцолбор газрыг хэсэгчлэн оносон байна. 

Киев хотоос 25 км зайд ОХУ-ын зэвсэгт хүчний урт цуваа байрласан хэвээр байна.

Эх сурвалж: CNN

Содномцэрэнгийн Энхзаяа

mongolcom.mn

 

 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.